قازاقستاندىق اسكەرلەر جاڭا «بۇركىت» پاراشيۋتىنىڭ قۇرىلىمىن ءساتتى مەڭگەردى - فوتو
بۇل پاراشيۋت وسى جىلدىڭ باسىندا ق ك ق ءا ايرو ۇتقىر اسكەرلەرىنە بەرىلگەن بولاتىن، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
باستاپقىدا وفيتسەر- نۇسقاۋشىلار پاراشيۋتتى قۇراستىرۋدى ۇيرەنىپ، ودان كەيىن ولارعا باعىنىشتى جاۋىنگەرلەر دارا جانە توپتاسقان تۇردە زەردەلەۋگە كىرىستى.
ءبىرىنشى كەزەكتە «بۇركىتتى» قولدانۋ بارىسىندا اشۋ جانە قونۋ قاۋىپسىزدىگىن مەڭگەرىپ، باسقارۋ ءادىسىنىڭ قاراپايىم بولۋىنا بايلانىستى قونۋ ورنى مەن شەكتەلگەن ايماققا قونۋدى جوسپارلاۋ ايتارلىقتاي جەڭىل ءوتتى.
سونىمەن قاتار پاراشيۋتتىڭ جۇك كوتەرۋ مۇمكىندىگى دە ارتقان. دەسانتشىلاردىڭ تولىق جاۋىنگەرلىك جابدىقپەن سەكىرەتىن ەسكەرسەك، بۇل ەرەكشە ماڭىزدى بولىپ تابىلادى. بۇدان وزگە وسى پاراشيۋت ارقىلى كەز كەلگەن اۆياتسيا ۇشاعىنان سەكىرۋدى ورىنداۋ مۇمكىندىگى دە بار.
قازىرگى ۋاقىتتا قازاقستاندىق ايرو ۇتقىر اسكەرلەرىنىڭ اسكەري قىزمەتشىلەرى جاڭا قۇرىلىمدى ءىس جۇزىندە مەڭگەرىپ، قولدا بار پاراشيۋتتەردى تەحنيكالىق تۇرعىدا تەكسەرۋگە كىرىسىپ كەتتى. وسىنداي تەكسەرۋ جۇمىستارى جىلىنا ەكى رەت تاجىريبەلىك جاڭا وقۋ- جاتتىعۋ شارالارىنىڭ باسىندا وتكىزىلەدى.
پاراشيۋتتەن سەكىرۋ - ايرو ۇتقىر اسكەرلەرىنىڭ نەگىزگى جاۋىنگەرلىك دايارلىعى. اعىمداعى جىلدىڭ باسىندا قازاقستاندىق دەسانتشىلار 1800-دەن اسا رەت سەكىرۋدى ورىندادى، ولاردىڭ 600-دەن استامى تۇنگى ۋاقىتتا ورىندالعانىن ايتا كەتكەن ءجون.
