بۇرىن اعا بۋىن وكىلدەرىندە عانا كەزدەسەتىن اۋرۋلارعا، جاستار دا شالدىعا باستادى
د د س ۇ ساراپشىلارى ەڭبەككە جارامدى جاستاعى ادامدار اراسىندا تارالا باستاعان دەرتتەردىڭ ءتىزىمىن جاسادى.
ماماندار اتاپ وتكەندەي، اۋرۋدىڭ تۋۋىنا اسەر ەتەتىندەردىڭ ءبىرى از قيمىلداۋ. كوپ قيمىلداماي، دۇرىس تاماقتانباۋ سالدارىنان دەنساۋلىققا زاقىم كەلتىرۋگە بولادى، دەپ جازدى ر ب ك.
جاستار اراسىندا كوپ كەزدەسەتىن سىرقاتتاردىڭ قاتارىندا ومىرتقا وستەوحوندروزى، وستەوپوروز، جۇرەك-قان تامىر دەرتتەرى (اتەروسكلەروز، گيپەرتونيا، ينسۋلت، ينفاركت)، مەلانوما (تەرى وبىرىنىڭ اگرەسسيۆتى فورماسى)، پوداگرا بار.
اتالعان دەرتتەردىڭ بارلىعى دەرلىكتەي ارتىق سالماق، الكوگول ىشىمدىكتەرى مەن تەمەكىنى پايدالانۋ، ءبىر ورىندا كوپ وتىرۋ جانە دۇرىس تاماقتانباۋمەن بايلانىستى.
دارىگەرلەردىڭ ايتۋىنشا بۇل اۋرۋلاردىڭ بارلىعىنان تولىق ايىعۋ مۇمكىن ەمەس. بۇعان مۇراگەرلىك فاكتورى دا اسەر ەتەدى. الايدا، دۇرىس ءومىر سالتىن جۇرگىزۋ ارقىلى سىرقاتتىڭ اسقىنۋىنا توسقاۋىل قويۋعا بولادى.
