قازاقستاندىق بەيبىتشىلىك پەن كەلىسىمنىڭ وزىق مودەلى باسقا مەملەكەتتەرگە ۇلگى - ءا. حاليكوۆ
تاراز. قازاقپارات - ن. نازاربايەۆتى سايلاۋداعى سەنىمدى جەڭىسىمەن جانە ەل پرەزيدەنتى قىزمەتىنە كىرىسۋىمەن شىن جۇرەكتەن قۇتتىقتايمىز، - دەدى جامبىل وبلىسىنداعى «تاتار-باشقۇرت ەتنومادەني بىرلەستىگى» قوعامدىق بىرلەستىگىنىڭ ءتوراعاسى ءامىر حاليكوۆ.
«نۇرسۇلتان ءابىش ۇلىنىڭ باسشىلىعىمەن قازاقستان رەسپۋبليكاسى بۇدان دا قۋاتتى مەملەكەت بولاتىنىنا سەنىمدىمىز!
قازاقستاندىق بەيبىتشىلىك پەن كەلىسىمنىڭ وزىق مودەلى بۇگىندە باسقا مەملەكەتتەرگە ۇلگى بولىپ وتىر. توزىمدىلىك پەن ىنتىماق - ماڭگىلىك ەل جالپى ۇلتتىق يدەياسىنىڭ باستى قۇندىلىق بازاسى.
ۇلىقتاۋ ءراسىمىنىڭ 1- مامىر - قازاقستان حالقى بىرلىگى كۇنى قارساڭىندا وتكەنى كەزدەيسوق جاعداي ەمەس. بۇل مەرەكە ءىس جۇزىندە ءبىزدىڭ ەلىمىزدى تۇرىپ جاتقان بارلىق ۇلت وكىلدەرىنىڭ دوستىعى مەن ىنتىماعىنىڭ سيمۆولى بولدى»، - دەدى ءامىر حاليكوۆ.
پرەزيدەنتتىڭ بەس حالىقتىق رەفورماسى زاماننىڭ جاڭا قىر كورسەتۋلەرىنە بەرىلگەن جاۋاپ بولىپ، ەكونوميكالىق جانە الەۋمەتتىك دامۋدىڭ جاڭا دەڭگەيىنە كوتەرىلۋگە مۇمكىندىك بەرەدى.
