استانادا ۇزدىك كاسىبي-تەحنيكالىق ءبىلىم وقىتۋشىلارى انىقتالدى
سايىس ەكى كەزەڭنەن تۇردى. ءبىرىنشى كەزەڭگە استانانىڭ 34 كوللەدجىنەن 17 وقىتۋشى قاتىستى. ەكىنشى كەزەڭگە 11 ۇمىتكەر عانا ءوتتى.
- سايىستىڭ ماقساتى - اۆتورلىق باعدارلامالار ارقىلى جۇمىس ىستەيتىن وقىتۋشىلاردىڭ يننوۆاتسيالىق تاجىريبەسىن كورسەتۋ، - دەدى استانا قالاسى كاسىپكەرلەر پالاتاسى ديرەكتورىنىڭ ورىنباسارى ايتۋعان وماروۆ.
قورىتىندى بويىنشا، ءبىرىنشى ورىن پوليتەحنيكالىق كوللەدجدىڭ وقىتۋشىسى ەرجان تۇسىپوۆكە بۇيىردى. ەكىنشى ورىن كاسىبي-تەحنيكالىق كوللەدجدىڭ وقىتۋشىسى ەرسايىن سادۋاقاسوۆقا، ال ءۇشىنشى ورىن مەندجمەنت جانە بيزنەس كوللەدجىنىڭ وقىتۋشىسى مارعۇلان امانبەكوۆكە جانە «قارجى اكادەمياسى» ا ق كوللەدجىنىڭ وقىتۋشىسى ەلۆيرا دۋبنيناعا بۇيىردى.
قالالىق سايىستىڭ جەڭىمپازى ەندى رەسپۋبليكالىق كەزەڭگە جولداما الىپ، سول جەردە ءوزىنىڭ ءبىلىمىن دالەلدەۋ مۇمكىندىگىنە يە بولدى.
