بۇگىن قازاق كۇرەسىنەن «جەتىسۋ ءبورىسى» انىقتالدى

استانا. قازاقپارات - بۇگىن الماتى وبلىسى تالدىقورعان قالاسىندا قازاق كۇرەسىنەن «جەتىسۋ ءبورىسى» انىقتالدى، - دەپ حابارلادى «قازاقستان بارىسى» قازاق كۇرەسىن دامىتۋ قورى.

تۋرنيرگە ءوڭىردىڭ بارلىق اۋداندارى مەن قالالارىنان بارلىعى 37 بالۋان قاتىستى.

فينالدىق ىرىكتەۋ ناتيجەسى بويىنشا 1- ورىندى ا. كاساچيەۆ، 2- ورىندى قازبەك رامازانوۆ يەلەندى. اتالعان ەكى پالۋان دا قاراساي اۋدانىنىڭ سپورتشىلارى. كوكسۋلىق ايدوس قاڭلىبايەۆ 3- ورىنعا تابان تىرەدى.

ايتا كەتەيىك، «جەتىسۋ ءبورىسى» جارىسىنان 1-2-ورىن العان ەكى پالۋان اعىمداعى جىلعى 5- شىلدەدە استانا قالاسىندا وتەتىن قازاقستان رەسپۋبليكاسى پرەزيدەنتىنىڭ جۇلدەسىنە ارنالعان «قازاقستان بارىسى» رەسپۋبليكالىق تۋرنيرىنە قاتىسادى.