اقتاۋ تۋريزمىنىڭ جاعدايى قالاي؟ - فوتو

استانا. قازاقپارات -ماڭعىستاۋ وبلىسى -  ەلىمىزدەگى تابيعي تەڭىز جاعالاۋى بار بىردەن- ءبىر ءوڭىر. مۇندا تاريحي- مادەني ەسكەرتكىشتەر كوپتەپ شوعىرلانعان.

ماڭعىستاۋ جەرىندە تاڭعاجايىپ جەرلەر كوپ. شولدەگى سالقىن بۇلاقتى، جاسىل ءشوپتى وازيستەر.. .

 بۇل جەردىڭ كوركى كوپتەگەن ەكزوتيكا اۋەسقويلارىنىڭ نازارىن اۋدارتپاي قويمايدى. سونىمەن قاتار، ماڭعىستاۋدا تاقىر جەرلەر گۇلدەنگەن جازىقتارمەن، جازىقتار جىرالار مەن تاۋلارعا، ال قۇمدار -  تەڭىزدىڭ تۇزدى سالقىن جەلىمەن اۋىسىپ وتىرادى.

 ايماقتا تامشالى بيوسفەرالى قورىعى، ساۋرانىڭ تۇشى سۋلى كولشىگى مەن جاپ- جاسىل باعى جانە ۇلى شەرقالا تاۋى، ءۇستىرت قورىعى، كەندىرلى- قاياسان قورىقتىڭ ايماعى، اقتاۋ- بوزاشى جانە قاراعيا- قاراگول مەملەكەتتىك قورىقتارى بار. تابيعاتتىڭ سۇلۋ كورىنىسىن تاماشالاۋعا جىل سايىن كەلەتىن ەكوتۋريستەردىڭ دە قاتارى قالىڭ. ال، بۇل ەلىمىزدە تۋريزمنىڭ دامۋىنا مۇمكىندىك بار ەكەنىن اڭعارتادى. ايماقتاعى تۋريزم سالاسىنىڭ احۋالى قانداي؟ تۋريستەردى كوپتەپ تارتۋ ءۇشىن تاعى قانداي شارالار اتقارىلۋى قاجەت؟ وڭىردەگى قورىقتاردىڭ جاعدايى قالاي؟ بۇگىن 19:10-دا «جۋرناليستىك زەرتتەۋ» حابارى وسى ساۋالدارعا جاۋاپ ىزدەپ كورمەك.

«قازاقستان» تەلەارناسى