قازاق ەلىنىڭ اقىنى نەسىپبەك ايت ۇلى، ەلباسىنا ارناپ قۇتتىقتاۋ ولەڭ جازدى
«ماڭگى ارپالىسىپ، الاسۇرىپ جاتقان الەمدىك مۇحيتتا ەجەلدەن ەركىن جۇزگەن الىپ كەمەلى الپاۋىت ەلدەردىڭ قاتارىندا، قازاقستاندىق قايىقپەن تولقىن جارعان ءسىزدىڭ كەمەڭگەرلىگىڭىز بەن ۇلى ەرلىگىڭىز، ەل تاريحىنىڭ التىن كىتابىنا كۇلتەگىن جىرىنداي ويىلىپ جازىلارىنا ەل-جۇرتىڭىز كامىل سەنىمدى»، - دەپ اقىن ءسوزىن باستادى.
نەسىپبەك ايت ۇلى، نۇرسۇلتان نازاربايەۆتى قۇتتىقتاپ قانا قويماي، ەلباسىنا ارناپ ولەڭ جولدارىن جازدى:
«حالقىڭىز قۋانىشتان شاشقان جاقۇت،
كوتەرىپ توبەسىنە اسپانداتىپ،
تىزگىنىن تاعى ۇستاتتى وزىڭىزگە،
نۇر-اعا، بار ما بۇدان اسقان باقىت؟!
تۇلعاسىز تۋا قالعان ەل باعىنا،
قالقان بوپ قاتتى سوققان جەل جاعىنا.
ارقالاپ التى الاشتىڭ اۋىر جۇگىن،
جەتكىزدىڭ قازاعىڭدى ارمانىنا!
قىرانداي سامعاپ ۇشىپ شارىقتاعان،
اينالدىق، قاناتىڭنان تالىقپاعان!
كوتەرگەن ماڭگىلىك ەل شاڭىراعىن،
ريزا شىن جۇرەكتەن حالىق ساعان!
قيىننان كوسەم سالعان ىزگە قاراپ،
قاعامىز بيىكتەرگە ءبىز دە قانات!
تىلەگەن تىلەگىڭدى ءبىراۋىزدان،
بايتاق ەل بولاشاعى سىزگە امانات!»، - دەپ بۇقارالىق اقپارات قۇرالدارىنىڭ الدىندا، نەسىپبەك ايت ۇلى ءوز ولەڭ جولدارىن وقىپ بەردى.
BNews.kz
