جاپونيا حالقى قىمبات كولىكتەردەن باس تارتۋدا
ۇكىمەت تۇتىنۋشىلار سالىعىن وسىرگەننەن كەيىن كولىك ساۋداسى دا كەرى كەتسە كەرەك. بۇل جاعداي اسىرەسە كاسىپكەرلەرگە قيىن سوعىپ تۇر.
كومپانيالار شىعىنعا باتىپ، ءوندىرىس كولەمى دە قۇلدىراپ بارادى. جاپونيانىڭ اۆتوكولىك قاۋىمداستىعى جاڭا دەرەكتەردى جاريالادى. ەلدەگى 13 جەتەكشى كومپانيا توعىز ايدان بەرى كولىك شىعارۋ كولەمىن قىسقارتۋعا ءماجبۇر. اسىرەسە «حوندا»، «نيسسان»، «سۋبارۋ» مەن «تويوتا» كورپوراتسيالارىنىڭ جاعدايى ءماز ەمەس. جەڭىل كولىكتەردىڭ شىعارىلىمى ورتاشا ەسەپپەن %8- عا ازايعان. ساراپشىلار نارىقتىڭ قۇلدىراۋىنا ىشكى سۇرانىستىڭ سيرەۋى سەبەپ دەيدى.
تاابو شيميدزۋ، توكيو تۇرعىنى:
- كولىگىڭ بولسا، قوسىمشا شىعىندار دا كوپ بولادى. ماسەلەن، مەن اي سايىن تۇراق ءۇشىن 40 مىڭ يەن تولەيمىن. بۇدان بولەك سالىق پەن ساقتاندىرۋعا جۇمسالاتىن قارجى بار. سوندىقتان بۇگىندە اۆتوكولىك ءجۇرىپ- تۇرۋ قۇرالى عانا ەمەس، ول كەيبىر توكيو تۇرعىندارىنىڭ قولى جەتە بەرمەيتىن بايلىق دەپ ايتار ەدىم.
فۋتوسي ساكاموتو، توكيو تۇرعىنى:
- ءوندىرىستىڭ وركەندەۋىنە قوعامنىڭ قارتايۋى، حالىق سانىنىڭ ازايۋى سياقتى پروبلەمالار اسەر ەتۋدە. ونىڭ ۇستىنە بۇگىندە زامان باسقا. بۇرىندارى ءبىر وتباسىندا 2-3 كولىك بولسا، قازىرگى جاستاردىڭ ءومىر ءسۇرۋ قاعيداسى مۇلدەم بولەك.
وتكەن ايدا ەلدەگى كومپانيالار 740 مىڭ 230 كولىكتى ساۋدالادى. ولاردىڭ باسىم بولىگى قوزعالتقىشى ورتاشا كولەمدى تەمىر تۇلپارلار. %20- ى - شاعىن كولىكتەر. 4/1 بولىگىنىڭ قوزعالتقىشى 1 ليترگە دە جەتپەيدى. ايتا كەتەيىك، سوڭعى كەزدەرى جاپوندىقتار وسىنداي شاعىن كولىكتەردى تاڭداۋدا. ويتكەنى ولار كوپشىلىك ءۇشىن قولجەتىمدى ءارى ۇنەمدى.
اۆتونارىقتىڭ قۇلدىراۋى ماشينا جاساۋ سالاسى ءۇشىن عانا ەمەس، بۇكىل جاپونيا ەكونوميكاسى ءۇشىن قاۋىپتى جاعداي. ويتكەنى ساراپشىلار وسى سەكتوردى نەگىزگە الىپ تۇتىنۋشىلار شىعىنىن باعالايدى. ءبىراق كۇنشىعىس ەلىنىڭ تۇرعىندارى قىمبات كولىك الىپ، شىعىنعا شاش ەتەكتەن باتۋدى قالامايدى. ايتسە دە بيلىك قيىن- قىستاۋ كەزەڭگە قاراماستان، تۇتىنۋشىلار سالىعىن ءوسىرۋ جوسپارىنان اينىماي وتىر.
www.24.kz
