پەتر پوروشەنكو نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى
بۇل تۋرالى اقوردانىڭ باسپا ءسوز قىزمەتىنەن حابارلادى.
پەتر پوروشەنكو نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
«ءسىز العان حالىق سەنىمىنىڭ جاڭا مانداتى قازاقستاننىڭ زاماناۋي مەملەكەتتىلىگىنىڭ تابىستى دامۋىنا قوسقان ۇلەسىڭىزدىڭ مويىندالعانىن ايعاقتايدى»، - دەلىنگەن جەدەلحاتتا.
ۋكراينا پرەزيدەنتى ەلىنە ونىڭ تاريحىنىڭ كۇردەلى كەزەڭىندە قولداۋ كورسەتكەنى ءۇشىن قازاقستان پرەزيدەنتىنە ريزاشىلىق بىلدىرگەن.
«بىرلەسكەن كۇش-جىگەرىمىز ارقىلى ءبىز ەكىجاقتى قارىم-قاتىناستى جانداندىرىپ، ەلدەرىمىز اراسىنداعى كوپ قىرلى ىنتىماقتاستىق اياسىن كەڭەيتەمىز دەگەن سەنىمدەمىن»، - دەلىنگەن قۇتتىقتاۋدا.
سوڭىندا پ. پوروشەنكو قازاقستان پرەزيدەنتىنە مىقتى دەنساۋلىق، باقۋاتتىلىق جانە جاۋاپتى مەملەكەتتىك قىزمەتىنە جاڭا تابىس، ال دوستاس قازاقستان حالقىنا بەيبىتشىلىك پەن باق-بەرەكە تىلەدى.
