باتىرحان شۇكەنوۆپەن قوشتاسۋ جامبىل اتىنداعى قازاق مەملەكەتتىك فيلارمونياسىندا وتەدى
بۇل تۋرالى قازاق مەملەكەتتىك فيلارمونياسىنىڭ باس اكىمشىسى لەۆ مەيزەروۆيچ ايتتى.
ونىڭ ايتۋىنشا، ءانشىنىڭ تۋعاندارى ازىرگە جەرلەۋ ءراسىمىن 2 مامىرعا بەلگىلەپ وتىر.
«ازىرگە 2 -مامىر دەپ حابارلادى. الايدا، قوشتاسۋ ءراسىمى 1 -مامىردا وتكىزىلۋى مۇمكىن. ول تۋىسقاندارىنىڭ شەشىمىنە بايلانىستى»، - دەدى ل. مەيزەروۆيچ.
ايتا كەتەيىك، بۇگىن تاڭعا جۋىق قازاقتىڭ تالانتتى ءانشىسى باتىرحان شۇكەنوۆ 53 جاسقا قاراعان شاعىندا ماسكەۋدەگى پاتەرىندە جۇرەك تالماسىنان قايتىس بولدى.
سونداي-اق ءانشى باتىرحان شۇكەنوۆپەن قوشتاسۋ ءراسىمى ماسكەۋدە وتەدى. بۇل تۋرالى باتىرحان شۇكەنوۆتىڭ رەسمي سايتىندا حابارلاندى.
وندا باتىرحان شۇكەنوۆپەن قوشتاسۋ ءراسىمى ماسكەۋ ۋاقىتى بويىنشا ساعات 13:00 دە، 2-بوتكينسكي داڭعىلى 5- ءۇي مەكەنجايى بويىنشا بوتكين اتىنداعى قالالىق كلينيكالىق اۋرۋحانا وتەتىندىگى تۋرالى ايتىلعان. بۇدان بۇرىن حابارلاعانىمىزداي، ءانشىنىڭ دەنەسى الماتىعا جەرلەنبەك.
باتىرحان شۇكەنوۆ 1962 -جىلى 18 -مامىردا قىزىلوردادا دۇنيەگە كەلگەن. مانساپ جولىن ول بەلگىلى ءانشى روزا رىمبايەۆانىڭ ساكسوفونشىسى رەتىندە باستاعان. 1988 -جىلى ءوزى قۇرعان ا'ستۋديو توبىنىڭ فرونتمەنتى بولادى، ال ءبىر جىلدان كەيىن «دجۋليا» دەپ اتالاتىن حيت ءانى شىعادى. تانىمالدىلىق بۇل توپقا اللا پۋگاچيەۆامەن بىرگە «روجدەستۆەنسكيە ۆسترەچي» بايقاۋىنا قاتىسقاننان كەيىن كەلەدى.
باتىرحان شۇكەنوۆ ا'ستۋديو توبىنان 2000 -جىلى كەتىپ، جەكە ونەر كورسەتە باستايدى. 2015 -جىلى «روسسيا 1» تەلەارناسىنىڭ «ودين ۆ ودين» شوۋىنا قاتىسىپ جاتقان بولاتىن، دەپ حابارلايدى batyr.net.
اۆتور: گۇلميرا عوسمانالي
