باتىرحان شۇكەنوۆ قازاقستاندا جەرلەنەدى

ەسكە سالايىق، ءانشى 29 -ساۋىرگە قاراعان ءتۇنى ءوز پاتەرىندە جۇرەك تالماسىنا ۇشىراپ، كوز جۇمعان ەدى.

ول باتىرحان شۇكەنوۆتىڭ سوڭعى ۋاقىتتا دەنساۋلىعى ناشارلاعانىن ايتتى. ونىڭ ايتۋىنشا، قازىر جەرلەۋ ءراسىمى ماسەلەسى شەشىلىپ جاتىر. «قازىر بۇل سۇراقپەن اينالىسىپ جاتىر. وسىندا اكەلەمىز، ءبىراق ازىرشە قالاي بولاتىنىن بىلمەيمىن. وقيعا ونىڭ پاتەرىندە بولدى، ديرەكتورىنىڭ دا سول ۇيدە تۇرىپ جاتقانى دۇرىس بولعان. جەدەل جاردەم شاقىردى، ەندى مىنە (...) شارشاعان بولار، سوڭعى ۋاقىتتا دەنساۋلىعىنىڭ السىرەگەنىن ايتقان ەدى»، - دەدى ول الماتىداعى اۋەجايدا كوزىنىڭ جاسىن تيا الماي.

وسىعان دەيىن ءانشىنىڭ 52 جاسىندا ماسكەۋدە قايتىس بولعانى حابارلاندى. باتىرحان شۇكەنوۆ 1962 -جىلى 18 -مامىردا قىزىلوردادا دۇنيەگە كەلگەن. مانساپ جولىن ول بەلگىلى ءانشى روزا رىمبايەۆانىڭ ساكسوفونشىسى رەتىندە باستاعان. 1988 -جىلى ءوزى قۇرعان «ا 'ستۋديو» توبىنىڭ فرونتمەنتى بولادى، ال ءبىر جىلدان كەيىن «دجۋليا» دەپ اتالاتىن حيت ءانى شىعادى. تانىمالدىلىق بۇل توپقا اللا پۋگاچيەۆامەن بىرگە «روجدەستۆەنسكيە ۆسترەچي» بايقاۋىنا قاتىسقاننان كەيىن كەلەدى. باتىرحان شۇكەنوۆ «ا'ستۋديو» توبىنان 2000 -جىلى كەتىپ، جەكە ونەر كورسەتە باستايدى. 2015 -جىلى «روسسيا 1» تەلەارناسىنىڭ «ودين ۆ ودين» شوۋىنا قاتىسىپ جاتقان بولاتىن.