ۇلىقپان جولداسوۆ باۋىرجان رەتبايەۆتىڭ وتباسى قويعان تالاپپەن كەلىسە المادى
بۇل تۋرالى توپتىڭ پروديۋسەرى لۇقپان جولداسوۆتىڭ ايەلى Instagram الەۋمەتتىك جەلىسىندەگى پاراقشاسىندا جازدى.
«بۇگىننەن باستاپ داۋىس KZ توبىنىڭ ءانشىسى باۋىرجان رەتبايەۆپەن جاسالعان كەلىسىم- شارت بۇزىلدى. باۋىرجان ەندى توپتىڭ ءانشىسى ەمەس. باۋىرجاننىڭ وتباسىنىڭ دۋەتتىڭ جۇمىسىنا كەدەرگى كەلتىرۋىنە بايلانىستى پروديۋسەرىمىز وسىنداي شەشىم قابىلدادى»، - دەدى ايعان جولداسوۆا.
ونىڭ ايتۋىنشا، باۋىرجاننىڭ وتباسى توپتاعى بەردىبەك قۇلعارايەۆتىڭ بىرنەشە شەتەلدىك بايقاۋلاردىڭ باس جۇلدەسىن يەلەنگەن مىقتى ءانشى ەكەنىن مويىنداماي، ونىڭ باۋىرجانمەن ءبىر توپتا ونەر كورسەتۋگە لايىق ەمەس ەكەنىن مالىمدەدى. سول سەبەپتى لۇقپان جولداسوۆ باۋىرجانمەن كەلىسىمشارتتى بۇزدى.
ايتا كەتەيىك، باۋىرجان رەتبايەۆ «قازاقستان داۋىسى» جوباسىنىڭ ەكىنشى كەزەڭىنىڭ جەڭىمپازى. توپتىڭ قۇرامىنداعى ەكىنشى ءانشى بەردىبەك قۇلعارايەۆ تا وسى جوبانىڭ ءبىرىنشى كەزەڭىندە فيناليست اتاندى. توپتىڭ قۇرىلعانىنا شامامەن جارتى جىلداي ۋاقىت ءوتتى. توپقا بەلگىلى ءانشى لۇقپان جولداسوۆ جەتەكشىلىك ەتەدى.
