داۆيد لوريا بالالارىن قازاق ءتىلىن بىلۋگە مىندەتتەيتىنىن ايتتى

استانا. قازاقپارات - وتاندىق فۋتبولداعى ەڭ تانىمال قاقپاشىلاردىڭ ءبىرى داۆيد لوريا ءوز بالالارىنا قازاق ءتىلىن ۇيرەتپەكشى.

بۇل تۋرالى ول gonzo.kz كە بەرگەن سۇحباتىندا ايتقان.

بۇگىندە جۇبايى ەكەۋى داني ەسىمدى ۇل، ليا ەسىمدى قىز تاربيەلەپ وتىرعان داۆيد پاۆلودارلىق «ەرتىستىڭ» نامىسىن قورعايدى.

سۇحبات بارىسىندا فۋتبولشى ويىنعا بايلانىستى ءتۇرلى قالالاردا جۇرسە دە، بالا تاربيەسىن ءبىرىنشى ورىنعا قوياتىنىن ايتقان.

«ۇنەمى وقۋ-جاتتىعۋ جيىندارىنان بوساي المايتىن مەن، وكىنىشكە قاراي، وتباسىمدى سيرەك كورەمىن. جيىن اراسىندا ۇيىمە بار بولعانى 3-4 كۇنگە كەلەمىن. سول ۋاقىتتا بالالارىما بارىنشا كوڭىل ءبولىپ، ساعىنىشىمدى باسامىن»، - دەيدى ول.

سونىمەن قاتار، داۆيد لوريا بولاشاقتا بالالارىنىڭ ءۇش ءتىلدى مەڭگەرىپ شىققانىن قالايتىنىن ايتتى.

«مەن بالالارىم قازاق ءتىلىن بىلۋگە مىندەتتى دەپ ەسەپتەيمىن! تۋعان وتانىمىزدىڭ تىلىندە سويلەي الماۋ -  ءبىزدىڭ قاتەلىگىمىز، ءبىزدىڭ بۋىننىڭ قاتەلىگى. الايدا، ادىستەمەلىكتەر مەن وقۋلىقتار ارقىلى قازاق ءتىلىن ۇيرەنىپ الۋ قيىن ەمەس. مەن بالالارىمنىڭ قازاق، ورىس، اعىلشىن تىلىندە سويلەگەنىن قالار ەدىم»، -  دەدى ەلىمىزگە تانىمال قاقپاشى.

دەرەككوز: Nur.kz