الەمدەگى ەڭ ەرەكشە زاڭدار

استانا. قازاقپارات - ءاربىر تاۋەلسىز ەلدىڭ ءوز وڭىرىنە ساي ەرەكشە زاڭدارى بار.

ولار الەۋمەتتىك ءومىردى جانەدە جاقسارتۋ ماقساتىندا قابىلدانادى.

ءبىراق، كەيبىر ەلدەردە قابىلدانعان زاڭداردى ەستىگەندە نە ايتارىڭىزدى بىلمەيسىز.

ءبىز سىزدەردى ەرەكشەلەنىپ تۇرعان كەيبىر زاڭدارمەن تانىستىرىپ وتەمىز- دەپ جازادى alashainasy.kz.

بۋرۋندي: جۇگىرۋ

 سوڭعى ون جىلدىقتا مەملەكەتتە ەتنيك توپتار اراسىنداعى سوعىستار توقتاعان سوڭ، جەرگىلىكتى حالىق توپ- توپ بولىپ جۇگىرۋگە شىعاتىن بولدى. بۇعان ەكى سەبەپ بار ەكەن: ءبىرىنشى سەبەپ بويلارىندا جينالىپ قالعان ەنەرگيانى شىعارىپ جىبەرۋ، ەكىنشى سەبەپ بولسا جانە سوعىس باستالا قالسا فيزيكالىق تۇرعىدان دايىن بولۋ.

سول ۇشىندە 2014 -جىلدىڭ ناۋرىز ايىندا مەملەكەت پرەزيدەنتى پەر نكۋرۋنزيزا جۇگىرۋگە تىيىم سالاتىن زاڭ قابىلداعان. سودان كەيىن توپ- توپ بولىپ جۇگىرگەن كىسىلەر جازالاناتىن بولدى.

رۋمينيا: «سكرەببل» ويىنى

 80-جىلدارى رۋمينيانىڭ سول ۋاقىتتاعى باسشىسى نيكولاە چاۋشەسكۋ «سكرەببل» ويىنىنا زاڭمەن تىيىم سالعان. تىيىم سالۋعا سەبەپ بولسا، حالىقتى بۇزىقتتىققا باستاۋى مۇمكىن دەپ كورسەتىلگەن. ءبىراق، ءقازىر بۇل تىيىم الىپ تاستالعان، ەلدە «سكرەببل» ويىنى فەدەراتسياسى جۇمىس الىپ بارادى جانە ءتۇرلى جارىستار ۇيىمداستىرىلىپ تۇرادى.

ا ق ش: «كيندەر سيۋرپريز» شوكولادتى جۇمىرتقاسى

بۇل ءونىم الەمنىڭ كوپتەگەن مەملەكەتتەرىندە كەڭىنەن تاراعانىنا قاراماي اقشتا زاڭمەن تىيىم سالىنعان ەكەن. نەگە؟ نەگىزگى سەبەپ بالا بىلمەستەن جۇمىرتقا ىشىندەگى ويىنشىقتىدا جەپ قويۋى مۇمكىن ەكەن. سول ۇشىندە زاڭمەن تىيىم سالىنىپتى. شوكولادتى كانادا شەكاراسىنان اقشقا الىپ ءوتۋ جاعىدايلارى تەز- تەز كورىنىس بەرەدى ەكەن.

سينگاپۋر: ساعىز شايناۋ

بۇل ءوز ماعىناسىندا ەمەس، ارينە. مەملەكەت اۋماعىندا ساعىز ساتۋعا زاڭمەن تىيىم سالىنعان. تىيىم سالىنۋىنا 1992 -جىلى ءجۇز بەرگەن كىسى ءولىمى سەبەپ بولعان. سول ۋاقىتتا ءبىر كىسى ساعىزدى ۆاگون ەسىگىنە جابىستىرىپ قويعان. دۇرىس جابىلماعان ۆاگون ەسىگى اشىلىپ كەتكەن جانە ەسىككە سۇيەنىپ تۇرعان جولاۋشى ايانىشتى جاعىدايدا قازا تاپقان. ساعىزدى تەك قانا دەنساۋلىعىنا بايلانىستى دارىگەرلەر رۇقسات بەرگەن اۋرۋلار عانا شايناۋى مۇمكىن.

فرانسيا: Red Bull

بۇگىن بۇل زاڭ ءوز كۇشىندە ەمەس. ءبىراق، 2008 -جىلعا دەيىن بۇل ەلدە وسى ەنەرگەتيك سۋسىندى پايدالانۋعا زاڭمەن تىيىم سالىنعان ەدى. تىيىم سالىنۋىنا سۋسىن قۇرامىندا تاۋرينا حيميالىق ەلەمەنتىنىڭ بار ەكەندىگى سەبەپ بولعان. ءبىراق، كومپانيا تاۋرين ەلەمەنتى جوق بىرنەشە ءونىمىن ەل اۋماعىنا ەنگىزگەن سوڭ زاڭ كۇشىن جوعالتقان.

قىتاي: ۋاقىت ارالىعىنا ساياحات

ءسوز كينو جانە تەليەۆيزيون شوۋلار تۋرالى. قىتاي ۇكىمەتىنىڭ پىكىرىنشە وسى سەكىلدى يدەيالار تاريحقا بولعان قۇرمەتسىزدىك ەكەن. سول ۇشىندە سوعان ۇقساس شوۋلارعا زاڭمەن تىيىم سالىنعان.

و ا ر: پرەزيدەنت ۇيىندە سۋرەتكە ءتۇسۋ

وتكەن جىلى ۇكىمەت پرەزيدەنت ۇيىندە سۋرەتكە تۇسۋگە تىيىم سالعان بولاتىن. ءبىراق، زاڭعا قاراماستان بىرنەشە گازەتتەر ءۇيدىڭ سۋرەتتەرىن باسىپ شىعارۋدا.

موناكو: جەرگىلىكتى تۇرعىندار ءۇشىن كازينولارعا بارۋ

ءدال سولاي. موناكوداعى «مونتە- كارلو» كازينوسىنا دۇنيە جۇزىنەن ادامدار كەلەدى، ءبىراق، ول جەرگە جەرگىلىكتى تۇرعىنداردىڭ كىرۋىنە تىيىم سالىنعان. بۇل زاڭ 1860 -جىلى موناكو كنيازى كارل III تارەپىنەن شىعارىلعان.

ۇلى بريتانيا: پارلامەنت ۇيىندە ءولىپ قالۋ

 ءولىمىمىز ءوز قولىمىزدا بولماسادا، پارلامەنت ۇيىندە ءولىپ قالۋعا تىيىم سالىنعان. ويتكەنى ول جەردە قايتىس بولعان كىسىنى ۇكىمەت جەرلەۋى كەرەك. بۇل ۇكىمەتكە ەشقانداي پايدا كەلتىرمەيدى ەكەن.