الماتىدا ابىلاي حان حاتىنىڭ ءتۇپنۇسقاسى كورمەگە قويىلدى
الماتىدا وتكەن بىرەگەي كورمەگە ابىلاي حان حاتىنىڭ ءتۇپنۇسقاسى قويىلدى، - دەپ حابارلايدى Tengrinews.kz ءتىلشىسى.
قازاق كوشپەندىلەرى مەن رەسەي اراسىنا شەكارا قويۋ تۋرالى حات ءسىبىردىڭ گۋبەرناتورى يۆان شپرينگەرگە جولدانىپتى. ابىلاي حان بۇل حاتتى اراب جازۋىنىڭ كومەگىمەن قازاق تىلىندە جازعان. سونىمەن قاتار، كورمەگە ابىلاي حاننىڭ توبىل گۋبەرنياسىنىڭ گۋبەرناتورى دەنيس چيچەرينگە جازعان حاتىنىڭ كوشىرمەسى قويىلدى.
سونداي-اق، كورمەگە «عىلىم ورداسى» ر م ك عىلىمي كىتاپحاناسىنىڭ سيرەك قورىنداعى XVIII- XIX عاسىرلارداعى ماتەريالدار قويىلدى، ولاردىڭ اراسىندا حاندار شەجىرەسى بار. ەكسپوزيتسيالار اراسىندا: پارسى تىلىنەن اۋدارىلعان «راشيد- اد- دين» جىلنامالار جيناعى، دەشتى قىپشاق حاندىعى جايلى وچەرگتەر مەن ساراي اتىرابىنداعى ناقتى زەرتتەۋلەر، ۆلاديمير ۆەليامينوۆ- زەرنوۆ، شوقان ءۋاليحانوۆ، ۆاسيلي رادلوۆ، لەۆ گۋميلەۆ سىندى شىعىستانۋشىلاردىڭ ەڭبەكتەرى، قازاقستان عالىمدارىنىڭ زاماناۋي عىلىمي ماتەريالدارى مەن XII- XX عاسىرلارداعى پارسى، ورىس، موڭعول، قىتاي، تۇرىك جانە باتىس دەرەككوزدەرىندەگى قازاقستان تاريحى بويىنشا ماتەريالدار قويىلدى.
ايتا كەتەيىك، سونىمەن قاتار قازاق حاندىعىنىڭ قۇرىلعانىنا 550 جىل تولۋىنا وراي «دوڭگەلەك ۇستەل» ءوتتى. شاراعا عىلىمي- زەرتتەۋ ينستيتۋتتارىنىڭ باسشىلارى، اكادەميكتەر، تاريحشىلار مەن فيلوسوفتار قاتىسىپ، قازاق حاندىعىنا قاتىستى باياندامالارىن وقىدى.
ەسكە سالا كەتەيىك، 2013 -جىلى قازاقستاندىق تاريحشىلار قىتايدان ابىلاي حاننىڭ حاتىن اكەلگەن بولاتىن، ول حات يمپەراتور سيان لۋنيۋعا جولدانعان. تاريحشى عالىمداردىڭ مالىمەتىنشە، قىتاي مۇراعاتىندا قازاقستان ءۇشىن بەيمالىم قالىپ وتىرعان تاعى 3 مىڭنان اسا قۇجات بار.
