قىتايدىڭ سىرتقى ىستەر ءمينيسترى شەتەلدىك ارىپتەستەرىنە يندۋستريالدىق سالاداعى قازاقستانمەن ىنتىماقتاستىقتىڭ مۇمكىندىكتەرىن مىسالعا كەلتىردى - فوتو

 بەيجىڭ. قازاقپارات - 11- «لانتيڭ فورۋمىنىڭ» اشىلۋى كەزىندە ق ح ر سىرتقى ىستەر ءمينيسترى ۋاڭ ي قىتايدىڭ شەتەلدەرمەن يندۋستريالدىق سالاداعى ىنتىماقتاستىقتىڭ مول مۇمكىندىكتەرىنى مىسالى رەتىندە قازاقستاندى كەلتىردى.

 «ءبىر مىسال عانا كەلتىرەيىن. بۇگىنگى شارامىزعا قىتايداعى ق ر ەلشىسى قاتىسىپ وتىر. وتكەن جىلدىڭ جەلتوقسانىندا ق ح ر مەملەكەتتىك كەڭەسى پرەمەرىنىڭ قازاقستانعا بارعان ساپارىندا وندىرىستىك قۋاتتىلىق سالاسىندا ىنتىماقتاستىقتى دامىتۋ ۇسىنىلدى. بۇل ق ر دامۋ ستراتەگياسى مەن ونىڭ ىشكى سۇرانىستارىنا سايكەس كەلەدى»، - دەدى ول.

 ەسكە سالا كەتەيىك، «لانتيڭ فورۋمىن» قىتايدىڭ سىرتقى ساياسي ۆەدومستۆوسى 2010 - جىلدىڭ 1 - جەلتوقسانىندا قۇردى. بۇل قىتايلىق جانە شەتەلدىك ۇكىمەتتەردىڭ، كاسىپورىنداردىڭ، عىلىمي- زەرتتەۋ مەكەمەلەرىنىڭ، ب ا ق پەن ىسكەرلىك ورتانىڭ پىكىر الماسۋ پلاتفورماسى.

 بۇل جولعى «لانتيڭ» فورۋمى حىبىي پروۆينتسياسىنداعى وندىرىستىك قۋاتتىلىقتى ىنتالاندىرۋ سالاسىنداعى حالىقارالىق ىنتىماقتاستىققا ارنالدى.