تۇركىمەنستانداعى «توزاق قاقپاسى» اتالعان جۇمباق گازدى كراتەر - فوتو
ول - جەرگىلىكتى حالىق «توزاق قاقپاسى» دەپ اتاپ كەتكەن ەربەنت اۋىلىنان 90 شاقىرىم قاشىقتىقتاعى وتتى جالىن شاشىپ جاتقان كراتەر. شوعىرلانعان جەراستى گازىن 1971 - جىلى قازۋ جانە بۇرعىلاۋ جۇمىستارى كەزىندە كەڭەس گەولوگتارى تاپقان.
زەرتتەۋشىلەردىڭ بۇرعىلاۋ مۇناراسى مەن باسقا دا قۇرىلعىلارى پايدا بولعان شۇڭقىرعا ءتۇسىپ كەتەدى. ايماق تۇرعىندارى جانە مالعا زيانى تيمەۋ ءۇشىن گەولوگتار گازدى جاعىپ جىبەرۋ تۋرالى شەشىمگە كەلەدى. ءورت بىرنەشە كۇننەن كەيىن سونەدى دەپ بولجام جاساعان. الايدا، كراتەردەن شىققان گاز جالىنى 1971 -جىلدان بەرى وشكەن ەمەس.
كراتەر ديامەترى شامامەن 60، تەرەڭدىگى 20 مەتردى قۇرايدى. جەر استىنان شىعىپ جاتقان جالىننىڭ بيىكتىگى 10-15 مەتر بيىكتىككە دەيىن جەتەدى. دارۆازا اۋىلى 2004 - جىلى سۇرىلەدى. 2010 - جىلى ايماققا پرەزيدەنت عۇربانع ۇلى بەردىمۇحامەدوۆ كەلىپ، كراتەردى جابۋ تۋرالى مالىمدەيدى.
2013 -جىلدىڭ قاراشا ايىندا زەرتتەۋ جۇرگىزۋ ماقساتىندا كانادانىڭ تانىمال ساياحاتشىسى دجوردج كورونيس كراتەرگە ءتۇسىپ، تۇبىنەن جوعارى تەمپەراتۋرادا ءومىر ءسۇرىپ جاتقان باكتەريالاردى تاپقان. قىزعان كراتەر تۇبىندەگى كىشكەنتاي ەكوجۇيەدەگى مۇنداي باكتەريالار جەر بەتىندە كەزدەسپەيدى.
«قازاقستان» تەلەارناسى
