قىتايلىق ستۋدەنت ءوزىنىڭ دوسىن ءۇش جىل بويى ساباققا ارقالاپ اكەلدى - فوتو

استانا. قازاقپارات - قىتايدىڭ اقپارات قۇرالدارى جازعان دوستىق حيكاياسى ينتەرنەتتى جاۋلاپ الدى.

سۋجوۋ قالاسىنداعى ۋچيليشەنىڭ 18 جاستاعى سە سيۋي ەسىمدى ستۋدەنتى ءۇش جىل بويى ءوزىنىڭ بىرگە وقيتىن دوسى جان سيدى ساباققا ارقالاپ اكەلىپ ءجۇر.

جان بۇلشىق ەتى السىرەپ، ادامنىڭ قوزعالىسىنا قيىندىق تۋدىراتىن بۇلشىق ەت ديستروفياسىمەن اۋىرادى.

دوستار ءۇش جىل بۇرىن وقۋعا تاپسىرعان كەزدە تانىسقان ەكەن.

بويى 1,73 مەتر، سالماعى 75 كەلى بولاتىن دوسىنا ساباققا كەلۋ ءۇشىن كومەكتەسۋدى ۇيعارىپتى. دوستار جاتاقحانادا بىرگە تۇرادى. كۇن سايىن جاندى بولمەسىنەن ۋچيليشەگە دەيىن اكەلىپ، قايتا الىپ قايتادى. سونىمەن قاتار، وعان تاماقتانۋ، كيىم جۋۋ سياقتى تۇرمىستىق ماسەلەلەردە دە كومەكتەسەدى.

ونىڭ ايتۋىنشا، ول دوسىن جاتاقحانا مەن سىنىپتاردىڭ اراسىندا كۇنىنە ون شاقتى رەت الىپ جۇرەدى.

ەكى دوس تا وتە ەڭبەققور. ولار بىرگە ۋنيۆەرسيتەتكە ءتۇسۋدى ارماندايدى. «سە وتە جاقسى وقيدى، ءارى باسقا ستۋدەنتتەرگە دە وڭ كوزقاراستا. سەنىڭ ارقاسىندا جان بىردە-ءبىر ساباقتى جىبەرمەيدى»، - دەدى ولاردىڭ وقىتۋشىسى.

tengrinews.kz