رەسەي پرەمەر- ءمينيسترى: ماسكەۋ استانامەن ەكونوميكالىق وداقتاعى ىنتىماقتاستىعىن جانداندىرۋعا دايىن
دۇيسەنبى كۇنى د. مەدۆەديەۆ نۇرسۇلتان نازاربايەۆتى ق ر پرەزيدەنتى بولىپ قايتا سايلانۋىمەن قۇتتىقتادى، دەپ جازدى ر ي ا نوۆوستي.
«رەسەي مەن قازاقستاندى بىرىكتىرەتىن دوستىق، تاتۋ كورشىلىك جانە سەرىكتەستىكتى نىعايتۋدا قوسقان ۇلەسىڭىزدى، ءتۇرلى سالادا اۋقىمدى ەكونوميكالىق جوبالاردى جۇزەگە اسىراتىنىڭىزدى باعالايمىز. ەۋرازيالىق ەكونوميكالىق وداق (ەاەو) اياسىندا قازاقستاندىق سەرىكتەستەرمەن كووپەراتسيالىق بايلانىستاردى ۇلعايتۋدىڭ جاڭا مۇمكىندىكتەرىن اشاتىن ىنتىماقتاستىقتى جانداندىرۋعا دايىنبىز»، - دەلىنگەن رەسەي ۇكىمەتى باسشىسىنىڭ قۇتتىقتاۋ حاتىندا.
د. مەدۆەديەۆ نازاربايەۆتىڭ سايلاۋدا جەڭىسكە جەتۋى ونىڭ ستراتەگيالىق باعىتى قازاقستاندىقتار تاراپىنان زور قولداۋعا يە بولعانىن كورسەتكەنىن اتاپ ءوتتى.
«ءسىزدىڭ باسشىلىعىڭىزبەن رەسپۋبليكا الەۋمەتتىك- ەكونوميكالىق دامۋ، ازاماتتارىنىڭ جاعدايىن جاقسارتۋ جولىمەن العا جىلجيدى دەپ سەنەمىن»، - دەلىنگەن ۇكىمەتتىڭ باسپا ءسوز قىزمەتى كەلتىرگەن رف ۇكىمەت باسشىسىنىڭ قۇتتىقتاۋ حاتىندا.
