قازاقستاندا ورتاشا جالاقى مولشەرى جاريالاندى
باسپا ءسوز قىزمەتىنىڭ مالىمەتىنشە، 2015-جىلدىڭ 1-توقسانداعى كورسەتكىشتەرىنە سايكەس، ورتاشا جالاقى 118638 تەڭگەگە تەڭ. سالالىق قۇرىلىمدا ەڭ ۇلكەن جالاقى كەن ءوندىرۋ ونەركاسىبى مەن كارەرلەردى قازۋدا - 266,1 مىڭ تەڭگە (ورتاشا رەسپۋبليكالىق دەڭگەيدەن 2,2 ەسەگە استى)، كاسىبي، عىلىمي جانە تەحنيكالىق قىزمەتتە - 231,2 مىڭ تەڭگە (1,9 ەسەگە استى)، قارجى جانە ساقتاندىرۋ قىزمەتىندە 208,9 مىڭ تەڭگە (1,8 ەسەگە استى) بەلگىلەندى.
ال، ەڭ تومەنگى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى - 58,0 مىڭ تەڭگە، بۇل ەل بويىنشا ورتا كورسەتكىشتەن 51,1 پايىزعا تومەن.
«وڭىرلىك بولىنىستە ەڭ جوعارعى جالاقى ماڭعىستاۋ وبلىسىندا بەلگىلەندى - 229,2 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,9 ەسەگە اسادى. سولتۇستىك وبلىسىندا مۇنىڭ شاماسى 77,6 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن 34,6 پايىزعا تومەن»، - دەلىنگەن حابارلامادا.
