الماتىداعى كوپىردىڭ قيراۋىنا بايلانىستى ەكى قىلمىستىق ءىس قوزعالدى
ەسكە سالايىق، الماتىدا كوپىر 24- ساۋىردە قيراعان بولاتىن.
تەلەارنانىڭ مالىمەتىنشە، قىلمىستىق ىستەردىڭ قانداي باپپەن قوزعالعانى ازىرشە بەلگىسىز، ءبىراق ولاردىڭ ءبىرىنىڭ ادام ولىمىنە اكەپ سوققان قاۋىپسىز ەرەجەسىن ساقتاماۋ ەكەنى بەلگىلى.
وسىعان دەيىن رىسقۇلوۆ داڭعىلى مەن سايىن كوشەسىنىڭ قيىلىسىنداعى سالىنىپ جاتقان كوپىردىڭ قيراۋىنان 19 ادامنىڭ زارداپ شەككەنى حابارلانعان بولاتىن. ولاردىڭ ۇشەۋى اۋىر جاعدايدا جاتىر.
ت ج د قىزمەتكەرلەرى استىندا جۇمىسشىلار جاتقان قيراندىلاردى اشىپ جاتىر. باستاپقىدا قيراندىنىڭ استىندا ەكى ادامنىڭ بارى حابارلانعان ەدى. كەيىن ت ج دەپارتامەنتىنىڭ باسشىسىنىڭ ورىنباسارى 52 جۇمىسشىنىڭ بىرەۋىنىڭ عانا تاعدىرى بەلگىسىز ەكەنىن حابارلادى. كەيىن كوپىردىڭ قيراۋىنان اۋرۋحاناعا 20 ادام جەتكىزىلىپ، ونىڭ ونىنىڭ ەم قابىلداپ جاتقانى حابارلاندى. ولاردىڭ ۇشەۋى اۋىر جاعدايدا جاتىر.
كەيىن الماتىدا قيراعان كوپىردىڭ باس قۇرىلىسشىسى «بازيس» قۇرىلىس كومپانياسىنىڭ قازا بولعان ەر ادامنىڭ وتباسىنا ماتەريالدىق كومەك كورسەتەتىنى بەلگىلى بولدى.
