بايلانىس توپتارى مەن جەلىلەرىنىڭ جاڭا ساندىق ستانسيالارى پايدالانىلدى - قورعانىس مينيسترلىگى
ارنايى تاكتيكالىق وقۋ-جاتتىعۋعا 120 دان اسا اسكەري قىزمەتشى قاتىسىپ، 35 بايلانىس تەحنيكاسى تارتىلدى. وقۋ-جاتتىعۋعا ەسكى ۇلگىدەگى تەحنيكادان سيپاتى جاعىنان اسىپ تۇسەتىن Р142Н1, Р409МЦ, Т240ТМ1 جاڭا ساندىق ستانسيالارى پايدالانىلعانىن ايتا كەتكەن ءجون.
جاتتىعۋ بارىسىندا باسقارمانىڭ دالالىق كوماندالىق پۋنكتى مەن زاپاستاعى كوماندالىق پۋنكت توراپتارى جانە تىلدىق پۋنكت تورابى كەڭەيتىلدى.
بايلانىس تورابىندا اسكەري قىزمەتشىلەر كەزەكشىلىك ۇيىمداستىرىپ، راديو ورتالىقتار، تەلەگراف جانە تەلەفون ورتالىقتارى، سونداي-اق ۇيىمداستىرۋ ارناسى ىسكە قوسىلدى. بۇدان وزگە جاۋىنگەرلىك جاعدايعا قاجەتتى ءتۇرلى قوسالقى جۇمىستار ءىس جۇزىندە اتقارىلدى.
جاتتىعۋ شەڭبەرىندە بارلىق تاپسىرمالار تولىق پىسىقتالدى. ك پ ب ب روتا كومانديرى لەيتەنانت ەلنۇر دۇيسەنبينوۆ، اپپاراتتى ز ك پ ب ب باستىعى اعا سەرجانت مۇراتبەك سلاموۆ جانە Р140М راديوستانسياسىنىڭ باستىعى كىشى سەرجانت ايدىن قۋانىشبايەۆ ۇزدىك اسكەري قىزمەتشىلەر قاتارىنان كورىندى. ەستەرىڭىزگە سالا كەتسەك، بايلانىس باتالوندارى مەن روتالارىندا بايلانىس توراپتارى مەن جەلىلەرىن ورىستەتۋ بويىنشا ارنايى تاكتيكالىق وقۋ-جاتتىعۋلارى، سونداي-اق نورماتيۆتەردى دارا جانە توپتاسىپ ورىنداۋ جىلىنا ەكى رەت جاۋىنگەرلىك دايارلىق جوسپارىنىڭ اياسىندا وتكىزىلەدى.
