كۇللى الەمدەگى اڭ- قۇسپەن ەركىن تانىسۋعا بولاتىن ساياحات
ءبىرىنشى بولىمدە تۋريستەر 45 كۇن بويى ايۋلارمەن تانىسادى ەكەن. بۇل ءۇشىن كومپانيا ولاردى الياسكا، شپيتسبەرگەن مەن اركتيكاعا اپارادى.
ەكىنشى بولىمدە كليەنتتەر برازيليا، ءۇندىستان، چيلي، وار، تانزانيا مەن شري- لانكانى ارالايدى. وندا ساپار شەگۋشىلەر مىسىقتارمەن تانىستىرىلادى. بۇل كەزەڭگە 62 كۇن بەرىلمەك. ال ەگەر وسى ساپاردىڭ ءۇشىنشى بولىمىنە بارۋعا جولىڭىز تۇسە قالسا، افريكا مەن ازياداعى مايمىلداردى تاماشالايسىز. بۇل كەزەڭ 39 كۇن ۋاقىتتى الادى. ال اقىرعى بولىمدە اناۋ- مىناۋ ەمەس، سۇپ- سۋىق انتاركتيدا سۋلارىنداعى، ودان قالدى گالاپاگوس ارالدارى مەن يسلاندياداعى تەڭىز ماقۇلىقتارىن كورۋگە ابدەن بولادى.
ءبىر قىزىعى، ساپار بارىسىندا تۋريستەر الەمدە ەڭ سيرەك كەزدەسەتىن اڭ- قۇستاردى تىرىدەي كورە الادى ەكەن. ولاردىڭ اراسىندا جەر بەتىنەن قۇرىپ كەتۋدىڭ از الدىندا تۇرعان امۋر جولبارىسى بار. جالپى بريتانيالىق Natural World Safaris كومپانياسى مۇنداي ەرەكشە ساياحاتتى ءوزىنىڭ 10 جىلدىق مەرەيتويىنا ارناپ قولعا العان.
www.24.kz
