ق ر پرەزيدەنتتىگىنە كانديدات بولعان ت. سىزدىقوۆ پەن ءا. قۇسايىنوۆ ن. نازاربايەۆتى سايلاۋداعى جەڭىسىمەن قۇتتىقتادى

استانا. قازاقپارات - بۇگىن قازاقستان كوممۋنيستىك حالىق پارتياسىنىڭ كەڭسەسىندە تۇرعىن سىزدىقوۆ پەن ونىڭ رەسپۋبليكالىق سايلاۋالدى شتابىنىڭ مۇشەلەرى ن. ءا. نازاربايەۆتى ايقىن جەڭىسىمەن قۇتتىقتادى.

«ءسىزدىڭ جەڭىسىڭىز - بارشا قازاقستان حالقىنىڭ جەڭىسى. كورشى ەلدەردەگى تۇراقسىزدىق پەن باتىستاعى داعدارىس سەكىلدى قيىن- قىستاۋ كەزەڭدە قازاقستان حالقى ءوز ەلباسىنىڭ توڭىرەگىندە توپتاسا ءبىلدى»، - دەدى ت. سىزدىقوۆ.

مەملەكەت باسشىسىنا قازاقستاندى وركەندەتىپ، جاڭا جەتىستىكتەرگە باستار جولدا تەك قانا تابىس تىلەگەن تۇرعىن سىزدىقوۆ سايلاۋ ناۋقانى زاڭ تالاپتارىمەن قاتاڭ سايكەستىكتە، جوعارى دەڭگەيدە جۇرگىزىلگەنىن اتاپ ءوتتى.

سونداي- اق، قازاقستان رەسپۋبليكاسى پرەزيدەنتتىگىنە كانديدات بولعان ءابىلعازى قۇسايىنوۆ تا ق ر پرەزيدەنتى ن. ءا. نازاربايەۆتى سايلاۋداعى جارقىن جەڭىسىمەن قۇتتىقتادى.

ن. ءا. نازاربايەۆقا ساتتىلىك تىلەي وتىرىپ، ءا. قۇسايىنوۆ جالپى سايلاۋ ناۋقانى قازاقستان رەسپۋبليكاسىنىڭ سايلاۋ تۋرالى زاڭ نورمالارىنا تولىق سايكەستىكتە وتكەنىن اتاپ ءوتتى.

«سايلاۋعا قاتىسۋدا قازاقستاندىقتار جوعارى بەلسەندىلىك تانىتتى. بۇل قازاقستان حالقىنىڭ ەلەكتورالدىق جانە قۇقىقتىق مادەنيەتىنىڭ وسكەندىگىن كورسەتەدى» ، - دەپ قورىتتى ءابىلعازى قۇسايىنوۆ.