ق ر پرەزيدەنتى سايلاۋى كونستيتۋتسيا تالاپتارىنىڭ ساقتالۋىمەن وتكىزىلدى - ق ر باس پروكۋراتۋراسى
«ەلەكتورالدىق كەزەڭدەگى قاداعالاۋ قىزمەتىنىڭ ناتيجەسى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى قازاقستان رەسپۋبليكاسى كونستيتۋتسياسىنىڭ جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭى تالاپتارىنىڭ ساقتالۋىمەن وتكىزىلدى دەپ تۇجىرىمداۋعا مۇمكىندىك بەرەدى»، دەلىنگەن حابارلامادا.
قازاقستان رەسپۋبليكاسىنىڭ باس پروكۋراتۋراسى كونستيتۋتسياعا سايكەس بولىپ وتكەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى بارىسىندا زاڭدىلىقتى قامتاماسىز ەتۋ بويىنشا قاجەتتى بارلىق شارالاردى قابىلدادى.
«جۇرگىزىلگەن قاداعالاۋ ءىس- شارالارىمەن سايلاۋ كوميسسيالارى نەمەسە مەملەكەتتىك ورگاندار تاراپىنان قانداي دا ءبىر بۇزۋشىلىقتار انىقتالعان جوق»، دەپ اتاپ وتىلگەن حابارلامادا.
سايلاۋ ناۋقانىندا پروكۋراتۋرا ورگاندارىنا سايلاۋمەن بايلانىستى نەبارى 4 ءوتىنىش ءتۇستى، ولاردىڭ 3 ۋى زاڭنامانى بۇزۋ فاكتىلەرى تۋرالى اقپارات نەمەسە شاعىمداردى قامتىماعان. ەكى وتىنىشتە زاڭداردىڭ نورمالارىن ءتۇسىندىرۋ سۇرانىسى مازمۇندالعان، ۇشىنشىسىندە پرەزيدەنتتىككە كانديداتتارعا زاڭنامامەن قويىلعان كەيبىر تالاپتارمەن كەلىسپەيتىنى ايتىلعان. بۇل 3 ءوتىنىش قۇزىرەتى بويىنشا ورتالىق سايلاۋ كوميسسياسىنا ءمانى بويىنشا قاراۋ ءۇشىن جولداندى.
سونداي-اق سايلاۋ كۇنى سەمەي قالاسىنىڭ پروكۋراتۋراسىنا ءبىر وتباسى جۇبىنىڭ ارىزى كەلىپ ءتۇستى، وندا ولار تۇرعىلىقتى جەرى بويىنشا ۋچاسكەنىڭ سايلاۋشىلار تىزىمىندە بولماۋىنا شاعىمدانعان. دەگەنمەن، ولاردىڭ ءتيىستى اۋماقتا تۇراتىندىعى راستالعاننان كەيىن ولارعا وزدەرىنىڭ سايلاۋعا قاتىسۋعا كونستيتۋتسيالىق قۇقىقتارىن جۇزەگە اسىرۋ مۇمكىندىگى بەرىلدى.
«داۋىس بەرۋ كۇنى قانداي دا ءبىر ەلەۋلى بۇزۋشىلىقتارسىز، تىنىش جاعدايدا وتكەنىن اتاپ وتەمىز. داۋىس بەرۋ كۇنى قارساڭىنداعى كەزەڭدە تەك قانا سايلاۋ الدىنداعى ۇگىتتى وتكىزۋ، سونداي- اق قوعامدىق پىكىرگە سۇراۋ سالۋ ناتيجەلەرىن جاريالاۋ شارتتارىنىڭ جەكەلەگەن بۇزۋشىلىقتارى تىركەلگەن، ولار بويىنشا الدىن الۋ سيپاتىنداعى شارالار قولدانىلدى»، دەلىنگەن حابارلامادا.
مىسالى، اعىمداعى جىلعى 30 -ناۋرىزدا الماتى قالاسىنىڭ پروكۋراتۋراسى «فەيسبۋكتەگى» وزدەرىنىڭ پاراقشالارىندا قازاقستان رەسپۋبليكاسى پرەزيدەنتتىگىنە كانديداتتاردىڭ ار- نامىسى مەن قادىر-قاسيەتىنە نۇقسان كەلتىرەتىن پىكىر ايتۋعا جول بەرگەن ەكى ازاماتقا زاڭدى بۇزۋعا جول بەرىلمەيتىنى تۋرالى الدىن الا ەسكەرتۋ جاريالادى. سايلاۋ زاڭناماسىنىڭ بۇزۋشىلىق فاكتىلەرى بويىنشا اكىمشىلىك جانە/نەمەسە قىلمىستىق ىستەر قوزعالعان جوق.
بۇكىل ەلەكتورالدىق كەزەڭدە قازاقستان رەسپۋبليكاسىنىڭ سوتتارىنا سايلاۋ پروتسەسىنە قاتىستى 7 ارىز ءتۇستى، ولاردىڭ 1 ۋى كەرى قايتارىلدى، 3 ۋى بويىنشا قابىلداۋدان باس تارتىلدى، 1 ى قاراۋسىز قالدىرىلدى جانە 1 شاعىم بويىنشا اكىمشىلىك ءوندىرىس توقتاتىلدى.
ماسەلەن، اعىمداعى جىلعى 20 -ساۋىردە س. يتەعۇلوۆ ورال قالاسىنىڭ مامانداندىرىلعان اكىمشىلىك سوتىنا ونىڭ سايلاۋشىلار تىزىمىندە جوق بولۋىنا شاعىمداندى جانە كىنالى تۇلعالاردى اكىمشىلىك جاۋاپكەرشىلىككە تارتۋدى سۇرادى.
سوت س. يتەعۇلوۆتىڭ سايلاۋشىلار تىزىمىنە قوسىلعانىن انىقتادى، ال سوتقا جۇگىنۋگە Call-ورتالىقتىڭ وپەراتورىنان الىنعان اقپاراتتى قاتە ءتۇسىنۋ فاكتىسى سەبەپ بولعان. 21 -ساۋىردە اكىمشىلىك ءوندىرىس قۇقىق بۇزۋشىلىق وقيعاسىنىڭ بولماۋىنا بايلانىستى توقتاتىلدى.
«كەلتىرىلگەن دەرەكتەر، سونداي-اق سايلاۋ زاڭناماسىنىڭ بۇزۋشىلىقتارى تۋرالى قانداي دا ءبىر شاعىمداردىڭ بولماۋى وتكەن سايلاۋ پروتسەسىنىڭ بارىنشا ايقىندىعىن جانە زاڭدىلىعىن كورسەتەدى»، دەپ تۇيىندەلگەن ق ر باس پروكۋراتۋراسىنىڭ مالىمدەمەسىندە.
سالىستىرۋ ءۇشىن ايتا كەتسەك، الدىڭعى پرەزيدەنتتىك سايلاۋ بارىسىندا (2011 -جىلعى ءساۋىر) پروكۋراتۋرا ورگاندارىندا 87 ءوتىنىش قارالعان، انىقتالعان بۇزۋشىلىقتار بويىنشا 16 اكىمشىلىك قۇقىق بۇزۋشىلىقتار تۋرالى ءىس قوزعالعان، 2012 -جىلعى قاڭتاردا وتكەن پارلامەنتتىك سايلاۋ بارىسىندا پروكۋراتۋراعا 536 ارىز تۇسكەن، 76 پروكۋرورلىق قاداعالاۋ اكتىلەرى ەنگىزىلگەن، 45 اكىمشىلىك ىستەردىڭ قوزعالعان.
