رينات زايىتوۆ ايتىسقا قايتا ورالاتىن بولدى

استانا. قازاقپارات - سايتقا بەرگەن سۇحباتىندا ساحنادان الىستاپ كەتكەن اقىن قازىر نەمەن اينالىسىپ جۇرگەنىن، جۋىردا قايتادان ايتىسقا ورالاتىنى جايلى ايتتى.

«ايتىستان قول ۇزگەنىم جوق، قاتىسامىن. قاراعاندىدا ساكەن سەيفۋللين اتامىزدىڭ ۇلكەن تويىنا ايتىس بولعالى جاتىر. الدا جەڭىسكە 70 جىلدىعىنا قىزىلوردا قالاسىندا ايتىس وتەدى، 30- مامىردا ءوزىمنىڭ اعام، رۋحاني ۇستازىم ورازالى دوسبوسىنوۆتى ەسكە الۋ ايتىسى وتەدى. ۇشەۋىنە دە قاتىسامىن»، - دەدى رينات زايىتوۆ سۇحباتىندا.

ايتىسكەر اقىن سونداي-اق «حابار» ارناسى كورسەتكەن شوۋ-ايتىس تۋرالى دا ويىن ءبىلدىردى.

«انشىلەرمەن بولعان ايتىس دەيدى. ءالى تالاي دۇنيە بولادى. ءبارى جابىلىپ قازاقتىڭ ونەرىن ءولتىرۋدىڭ جولىندا وتە جاقسى جۇمىس جاساپ جاتىر. قازىر ايتىسقا بۇرىنعىداي كورەرمەندەر كوپ كەلمەيدى. دەمەك، ولارعا ايتىس قاجەت ەمەس. ال، تەرىس اسەر، جيركەنىشتى تۋدىرعان كىم؟ «نۇر وتان» شىعىپ تۋدىرعان جوق، ونى اقىندار تۋدىردى، ياعني ءبىز، ونىڭ ىشىندە مەن دە بارمىن. تالاي كەلىسىپ ايتىستىق. ءبىراق، ءار نارسەنىڭ شەگى بولۋى كەرەك»، - دەدى رينات.

NUR. KZ