ساۋد ارابياسىندا اسكەري ۇشاق اپاتقا ۇشىرادى
«كورول فەيسال اتىنداعى اسكەري- اۋە اكادەمياسىنىڭ وقۋ- جاتتىعۋ ۇشاعى اپاتقا ۇشىرادى. ۇشاق جارىلىپ، ونىڭ سالدارىنان نۇسقاۋشى مەن ۇشقىش- كۋرسانت كوز جۇمدى» ، - دەلىنگەن مينيسترلىك حابارلاماسىندا.
وسى حابارلامانى ازىرلەگەنگە دەيىن ۇشاق ءتۇرى مەن اپات سەبەپتەرى جايلى دەرەكتەر تۇسپەدى، دەپ حابارلادى ر ب ك.
21 - ساۋىردە ەر- رياد يەمەندە كواليتسيا ساۋد ارابياسىنىڭ باسشىلىعىمەن جۇرگىزگەن «رشەشۋشى شابۋىل» اسكەري وپەراتسياسىنىڭ اياقتالعانىن حابارلاعان. وپەراتسيا يەمەندە بۇلىكشىلەردىڭ نىسانىنا اۆياسوققىلار جاساۋدى قامتىدى.
بۇدان باسقا، ساۋد ارابيا بيلىگى كواليتسيانىڭ جاڭا وپەراتسياعا كىرىسىپ جاتقانىن حابارلادى. ول يەمەندەگى قاقتىعىستى ساياسي جولمەن شەشۋگە، قاۋىپسىزدىك پەن تەرروريزممەن كۇرەسكە باعىتتالعان. ونىڭ نەگىزگى مىندەتتەرى يەمەندى قالپىنا كەلتىرىپ، حۋسيت- كوتەرىلىسشىلەردى بەيتاراپتاندىرۋ بولماق.
