استانالىق تۋريست شياڭگاڭدا داۋىس بەرگەن العاشقى سايلاۋشى بولدى - فوتو
بۇل تۋرالى قازاقپارات تىلشىسىنە تەلەفون ارقىلى اتالعان سايلاۋ ۋچاسكەسىنىڭ ءتوراعاسى، ق ر گونكونگتاعى باس كونسۋلدىعىنىڭ ەكىنشى حاتشىسى ارمان احمەتوۆ ءمالىم ەتتى.
«ول گۋاڭدۋڭ پروۆينسياسى گۋانجوۋ قالاسىنان ارنايى داۋىس بەرۋ ءۇشىن كەلگەن. سايلاۋعا بىرنەشە كۇن قالعاندا ول كونسۋلدىققا تەلەفون شالعان بولاتىن. بۇگىن وسى جەرگە كەلىپ، ەسەپتەن شىعارىلعانى تۋرالى تالونىن كورسەتىپ، ونى تىزىمگە قوستىق»، - دەدى ول.
ديپلوماتتىڭ سوزىنە قاراعاندا، شياڭگاڭ (گونكونگ) ارنايى اكىمشىلىك اۋدانىنداعى %70 استام قازاقستاندىق سايلاۋشى - كاسىپكەرلەر، قازاقستاندىق كومپانيالاردىڭ وكىلدەرى جانە تۋريستەر، شامامەن %20 - ستۋدەنتتەر.
«جاڭا عانا الماتى- گونكونگ رەيسىمەن ۇشىپ كەلگەن «ەير استانا» ۇشاعىنىڭ ەكيپاجى - ەكى كاپيتان جانە بورت سەرىكتەرى داۋىس بەردى. بۇگىن كوپتەگەن تۋريستەر قوڭىراۋ شالىپ، كەلەتىندەرى تۋرالى حابارلادى»، - دەدى ول.
