قازاقستانداعى سايلاۋدا زاڭ تالاپتارى بۇزىلعان جوق - رەسەي دۋماسىنىڭ دەپۋتاتى
بۇل تۋرالى بۇگىن بريفينگتە ر ف مەملەكەتتىك دۋماسىنىڭ دەپۋتاتى، ق ر پارلامەنتى ءماجىلىسىنىڭ رەسەي پارلامەنتى جوعارعى پالاتاسىمەن ارىپتەستىك قۇرۋ توبىنىڭ جەتەكشىسى ولەگ ساۆچەنكو ءمالىم ەتتى.
«بۇگىن ءبىز تاڭەرتەڭنەن بەرى كوپتەگەن سايلاۋ ۋچاسكەلەرىندە بولدىق، ەڭ باستىسى - سايلاۋشىلاردىڭ سانى وتە كوپ. بارلىعىندا مەرەكەلىك كوڭىل- كۇي. بارلىعى تياناقتى جاسالعان، تۇگەل زاڭ اياسىندا وتۋدە. بۇل - بەرىلگەن داۋىستار سانى سانالىپ، مەملەكەت باسشىسى تاڭدالاتىنىنا زور ءۇمىت ۇيالاتادى»، - دەدى ول.
ونىڭ سوزىنە قاراعاندا، رەسەي ءوزىنىڭ كورشىلەس ءارى دوستاس ەلدەردە تۇراقتىلىق بولۋىنا مۇددەلى.
«بۇگىن سايلاۋ دەموكراتيالىق جولمەن جوسپارلى تۇردە ءوتىپ ، قازاقستان حالقى ءوز پرەزيدەنتىن تاڭدايتىندىعىنا سەنىمدىمىن. تاڭداۋ لايىقتى ۇمىتكەرگە ءتۇسىپ، سايلاۋ ناۋقانى قالىپتى وتەتىنىنە سەنىم بىلدىرەمىن»، - دەيدى و ساۆچەنكو.
اۆتور: جاسۇلان جولدىبايەۆ
