قاراقات ءابىلدينا: بولاشاعىمىزعا بەي-جاي قاراي المايتىن ازاماتشا رەتىندە داۋىس بەردىم

استانا. قازاقپارات - الداعى ۋاقىتتا دا ەلىمىزدىڭ دامۋ قارقىنى ۇدەي تۇسەتىنىنە سەنىمدىمىن. بۇگىن ەلورداداعى سايلاۋ ۋچاسكەلەرىنىڭ بىرىندە قازاق ەستراداسىنىڭ تانىمال جۇلدىزى قاراقات ءابىلدينا وسىلاي ءمالىم ەتتى.

«شىن مانىندە كوپتەپ جينالعان حالىقتىڭ ىقىلاسىنان، كوڭىل-كۇيىنەن مەرەكەنى سەزىنىپ تۇرمىن. سايلاۋ ءبىز ءۇشىن ماڭىزدى، سەبەبى بۇل ناۋقان ەلىمىزدىڭ ەرتەڭگى بولاشاعىمەن ساباقتاسىپ جاتىر. سوندىقتان دا بولاشاعىمىزعا بەي-جاي قاراي المايتىن ەلىمىزدىڭ ازاماتشاسى رەتىندە داۋىس بەرىپ، ءوز تاڭداۋىمدى جاسادىم. الداعى ۋاقىتتا دا ەلىمىزدىڭ دامۋ قارقىنى ۇدەي تۇسەتىنىنە سەنىمدىمىن»، - دەدى ءانشى.

ونىڭ سوزىنشە، تۇرعىنداردىڭ كەزەگىن كۇتىپ، كوپتەپ جينالۋى، داۋىس بەرۋگە تالپىنعان ىنتاسى ناعىز مەرەكەلىك اسەردى سەزدىرەدى.

«سوندىقتان بۇگىنگى مەرەكەمىز جاقسى باستالدى. حالقىمىزدىڭ داۋىس بەرۋ بەلسەندىگىنەن بولاشاعىمىزدىڭ جارقىن ەكەنىنە سەنىمدىمىن»، - دەدى قاراقات ءابىلدينا.

اۆتور: رۋسلان عابباسوۆ