سايلاۋ بارىسىنا قاتىستى ەشبىر ەسكەرتپە جوق - ش. تارپشەۆ

استانا. قازاقپارات - سايلاۋ بارىسىنا قاتىستى ەشبىر ەسكەرتپە جوق.

بۇل تۋرالى بۇگىن بريفينگتە ر ف تەننيس فەدەراتسياسىنىڭ پرەزيدەنتى، ت م د باقىلاۋشىلار ميسسياسىنىڭ مۇشەسى ءشامىل تارپيشەۆ ءمالىم ەتتى.

«مەن بۇگىن 9 -سايلاۋ ۋچاسكەسىندە بولدىم. ونداعى ادامداردىڭ سانىنان جاڭىلىسۋعا بولادى. ادامدار وتە جىلى قارسى الۋدا. مەن سايلاۋشىلاردىڭ ءوز بالالارىمەن كەلىپ جاتقانىن كوردىم. بۇل تاڭ-تاماشا اسەر قالدىردى. حالىق سايلاۋعا قۋانا باراتىنى كورىنىپ تۇر. بۇل سايلاۋشىلار قالادا جاسالىپ جاتقان يگىلىكتەردى جوعارى باعالاۋدا دەگەن ءسوز، بۇل رەسپۋبليكاداعى دامۋعا سەنىممەن قاراۋدىڭ كورسەتكىشى. قانداي دا ءبىر ەسكەرتپەلەرىم جوق. كوبىسى مەنى تانىپ جاتىر، بىرگە سۋرەتكە ءتۇسۋدى سۇرايدى. بۇل مەن ءۇشىن قىزىق، ءبىراق مەنىڭ ميسسيام باسقا بۇگىن. قازاقستاندىقتاردى وسىنداي جەتىستىكتەرگە جەتكەندەرىنە قۇتتىقتاۋ ايتامىن. بولاشاقتا دامۋ الەۋەتىنىڭ جوعارى ەكەنى داۋسىز»، - دەيدى ول.

ونىڭ ايتۋىنشا، قازاقستان تاۋەلسىزدىك العالى بەرى كوپ وزگەرگەن. ال استانا ورتالىق ازيانىڭ مارجاندارىنىڭ ءبىرى بولىپ بوي كوتەرگەندەي.

«كەڭەس داۋىرىنەن بەرى مەن قازاقستاندى وتە جاقسى بىلەمىن. الماتىدا جىلىنا ەكى رەت وقۋ- جاتتىعۋ جيىندارىن وتكىزىپ تۇراتىنمىن. مەندە مۇندا دوستارىم وتە كوپ. استانا قازىرگى ۋاقىتتا قازاقستاننىڭ دامۋ دەڭگەيىنىڭ كەرەمەت كورسەتكىشى ىسپەتتەس. بۇل قالادا وتە تاماشا وزگەرىستەر ورىن الدى»، - دەپ ءتۇيدى ويىن ش. تارپيشەۆ.

اۆتور: جاسۇلان جولدىبايەۆ