بەكبولات تىلەۋحان: قازاقستاندا بەيبىتشىلىكتىڭ قادىرىن بىلگەن جۇرتتىڭ تالابىن كورىپ وتىرمىز
بۇل تۋرالى بۇگىن ەلورداداعى سايلاۋ ۋچاسكەلەرىنىڭ بىرىندە قازاقستان رەسپۋبليكاسى ۇلتتىق سپورت ويىندارى قاۋىمداستىعىنىڭ پرەزيدەنتى بەكبولات تىلەۋحان ءمالىم ەتتى.
«ەلىمىزدە بۇل سايلاۋ مەيرام سەكىلدى ءوتىپ جاتىر. حالىق ءوزىنىڭ قالاۋىن ءبىلدىرىپ جاتىر. بۇگىندە الەم تىنىش ەمەس، ال وسىنداي كەزەڭدەردە قازاقستاندا تىنىشتىق پەن بەيبىتشىلىكتىڭ قادىرىن بىلگەن جۇرتتىڭ تالابىن كورىپ وتىرمىز. وسى ماڭىزدى ساتتە جۇمىلعان جۇرتتىڭ ىنتىماعىن، ەلدىگىمىزگە، كەلەشەگىمىزگە دەگەن حالىقتىڭ ساناسىن بايقادىم»، - دەدى ب. تىلەۋحان.
وسى ورايدا ول بۇگىنگى سايلاۋدا قالا جانە اۋىل تۇرعىندارى جوعارى بەلسەندىلىكتى كورسەتىپ وتىرعاندىعىن اتاپ ءوتتى.
«مەيرام كۇنىمەن بارشا حالقىمىزدى قۇتتىقتاعىم كەلەدى. ەلىمىز امان، جۇرتىمىز تىنىش بولسىن!»، - دەدى قاۋىمداستىق باسشىسى.
اۆتور: رۋسلان عابباسوۆ
