ءۇرىمجى قالاسىندا العاشقى سايلاۋشىعا قازاق فولكلورلىق مۋزىكاسىنىڭ قازىناسى جازىلعان ديسكتەر سىيعا تارتىلدى

بەيجىڭ. قازاقپارات - جەرگىلىكتى ۋاقىت بويىنشا ساعات 07:01 دە ءۇرىمجى قالاسىنداعى ق ر س ءى م ءتول قۇجات-ۆيزالىق قىزمەتى جانىنداعى 253№ سايلاۋ ۋچاسكەسىندە «Eurasian Resources Group» (ERG) ا ق وكىلدىگىنىڭ 27 جاستاعى قىزمەتكەرى ازامات ەسىمحانوۆ ءبىرىنشى بولىپ داۋىس بەردى.

«مەن بۇگىندە ءاربىر سانالى قازاقستاندىق ازامات قاي جەردە جۇرگەنىنە قاراماستان، ورىنداۋعا مىندەتتى ازاماتتىق پارىزىمدى ورىندادىم. ءبىزدىڭ وكىلدىگىمىزدە قازاقستاننىڭ 8 ازاماتى جۇمىس ىستەيدى. ولار كەيىنىرەك كەلەدى»، - دەدى ول.

253№ سايلاۋ ۋچاسكەسىندەگى ءبىرىنشى سايلاۋشىعا ەستەلىك سىيلىعى - ق ر مەملەكەتتىك اكادەميالىق سيفونيالىق وركەستر، قۇرمانعازى اتىنداعى حالىق اسپاپتارى مەملەكەتتىك اكادەميالىق وركەسترى جانە ن. تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەستىرىنىڭ كومپوزيتسيالارى جازىلعان СD- ديسكىلەرى بار «قازاقستان: ءتورت مەزگىل» فوتو البومى تابىستالدى.