11:35, 26 - ءساۋىر 2015 | GMT +6
استانادا ق ك ح پ اتىنان پرەزيدەنتتىككە كانديدات ت. سىزدىقوۆ داۋىس بەردى
استانا. قازاقپارات - بۇگىن قازاقستان كوممۋنيستىك حالىقتىق پارتياسىنان پرەزيدەنتتىككە كانديدات ت. سىزدىقوۆ استانا قالاسىنداعى 32№ سايلاۋ ۋچاسكەسىندە داۋىس بەردى. بۇل تۋرالى ق ك ح پ رەسپۋبليكالىق سايلاۋالدى شتابىنىڭ باسپا ءسوز قىزمەتىنەن حابارلادى.
داۋىس بەرۋدەن كەيىن ت. سىزدىقوۆ: «...مەن جاڭا عانا داۋىسىمدى بەردىم. وسى ورايدا مەن سايلاۋ ءۇردىسى جوعارى دارەجەدە ۇيىمداستىرىلعانىن اتاپ وتكىم كەلەدى، سايلاۋ ۋچاسكەسىنىڭ قىزمەتكەرلەرى كاسىبي جانە بىرەگەي قىزمەت اتقارۋدا. سايلاۋشىلار بەلسەندى قاتىسۋدا. ازاماتتاردىڭ داۋىس بەرۋى اشىق جانە ءادىل ءوتۋى ءۇشىن بارلىعى جاسالعان»، - دەدى ول.
ونىڭ مالىمدەۋىنشە، ءار قازاقستاندىق ءوز داۋىسىن ەركىن، دەربەس بىلدىرە الادى. بۇل ءبىزدىڭ قوعامنىڭ دەموكراتيالىق قۇندىلىقتاردى قولدايتىنىن بىلدىرەدى، سونداي-اق ءبىزدىڭ جەرىمىزدەگى بەيبىتشىلىك پەن تىنىشتىقتى كورسەتەدى.
«وسىنداي تاريحي ساتتە ءبىزدىڭ دانا حالقىمىز تاعى دا ءداستۇرلى جانە تاۋسىلماس نەگىزدەر پايداسىنا تاڭداۋ جاسايدى دەگەن سەنىمدەمىن»، - دەپ ءتۇيدى ت. سىزدىقوۆ.
