تۇركى اكادەمياسى تۇركى دۇنيەسىنىڭ « قىزىل الما» سىيلىعىنا يە بولدى
اتاپ ايتقاندا، «ستراتەگيا» اتالىمى بويىنشا بيىلعى تۇركى دۇنيەسىنىڭ سىيلىعى - ق ر قورعانىس ءمينيسترى يمانعالي تاسماعامبەتوۆكە، «عىلىم» اتالىمى بويىنشا - حالىقارالىق تۇركى اكادەمياسىنا، «قوعامدىق ديپلوماتيا» اتالىمى بويىنشا قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتى مەن تۇركى الەمى ساۋلەت جانە ينجەنەرلەر وداعىنا بەرىلدى. بۇل تۋرالى حالىقارالىق تۇركى اكادەمياسىنىڭ باسپا ءسوز قىزمەتىنەن حابارلاندى.
جيىندا « قىزىل الما» سىيلىعى حالىقارالىق تۇركى اكادەمياسىنا تۇركى حالىقتارى تاريحى مەن مادەنيەتىن، ونەرىن زەرتتەۋدەگى ەلەۋلى عىلىمي جاڭالىقتارى مەن ناتيجەلى جوبالارى ءۇشىن تابىس ەتىلگەنى اتالىپ ءوتىلدى. بۇعان دەيىن حابارلاعانىمىزداي، تۇركيانىڭ ىستامبۇل قالاسىندا ءوتىپ جاتقان VI دۇنيە جۇزىلىك تۇركى فورۋمى تۇرىك ازيا ستراتەگيالىق زەرتتەۋلەر ورتالىعىنىڭ ۇيىمداستىرۋىمەن جانە حالىقارالىق تۇركى اكادەمياسىنىڭ قولداۋىمەن جۇزەگە اسۋدا. فورۋمعا 60 تان استام ەلدەن 400 گە جۋىق مەملەكەت جانە قوعام قايراتكەرلەرى، زيالى قاۋىم وكىلدەرى، تانىمال عالىمدار مەن حالىقارالىق ۇيىم باسشىلارى قاتىسۋدا.
اۆتور: قانات مامەتقازى ۇلى
