العاش بولىپ داۋىس بەرگەن ۇ و س ارداگەرى باتاسىن بەردى - قىزىلوردا وبلىسى
وبلىس بويىنشا بارلىعى 345 سايلاۋ ۋچاسكەسى، 396465 سايلاۋشىلار بار. بۇگىنگى كۇنى 3 مىڭنان استام بايقاۋشىلار تىركەلگەن، ولاردىڭ ىشىندە ازاماتتىق قوعام وكىلدەرى - ۇكىمەتتىك ەمەس ۇيىمدار، ساياسي پارتيالار، ب ا ق وكىلدەرى جانە 16 شەتەلدىك بايقاۋشىلار بار.
101№ مەكتەپتە ۇلى وتان سوعىسىنىڭ ارداگەرى ىدىرىس قاليەۆ العاشقىلاردىڭ ءبىرى بولىپ داۋىس بەردى. ءتۇرلى لاۋازىمدى پارتيالىق قىزمەتتەر اتقارعان، توقساننان اسقان قارت مايدانگەر: «ەلدىڭ بولاشاعى ءۇشىن ءاربىر قازاقستاندىق سايلاۋدا ءوز داۋىسىن بەرۋگە مىندەتتى. بۇل ەل ەرتەڭىنە دەگەن سەنىمىمىزدى نىعايتادى. بۇگىنگىدەي ەل ەڭسەسىن تىكتەگەن شاقتا اۋىز بىرلىگىمىز مىقتى بولۋى ءتيىس. ءبىز سوندا عانا الماعايىپ شاقتاردان امان وتەتىن بولامىز»، - دەدى.
قارت جاۋىنگەر سونداي-اق سايلاۋعا كەلۋشىلەر مەن ونداعى كوميسسيا مۇشەلەرى مەن بايقاۋشىلارعا بۇگىنگىدەي ساياسي ناۋقاننىڭ ءساتتى وتۋىنە تىلەكتەستىگىن ءبىلدىرىپ، اق باتاسىن بەردى. جالپى، قىزىلوردالىقتاردىڭ سايلاۋعا دەگەن بەلسەندىلىگى جوعارى دەڭگەيدە كورىنىس بەرۋدە.
اۆتور: ەلۋباي اۋەزوۆ
