نۇرىم سالىمگەرەيەۆ «سىر بارىسى» اتاندى - فوتو
بيىل التىنشى مارتە ۇيىمداستىرىلعان ايتۋلى باسەكە جانكۇيەرلەر قاۋىمىنىڭ قىزىعا تاماشالاعان شاراسىنا اينالدى.
«التىن بەلبەۋ» جارىسى ايدان استام ۋاقىتقا سوزىلدى. بوز كىلەمدەگى بالۋاندار ءۇش كەزەڭ بويىنشا ءتورت جاس دەڭگەيىندە سىنعا ءتۇستى. اۋىلدىق ەلدى مەكەندەردەن باستالعان بيىلعى جارىستىڭ اۋداندىق، قالالىق، وبلىستىق ىرىكتەۋ تۋرلارىنا بارلىعى 7152 سپورتشى قاتىستى. جارىستىڭ ءۇشىنشى كەزەڭى اقتىق سايىسقا بايقوڭىر، قىزىلوردا قالالارى مەن اۋدانداردان 256 بالۋان سىنعا ءتۇسىپ، ءوز شەبەرلىگىن شىڭدادى.
جارىستىڭ اشىلۋ سالتاناتىندا وبلىس اكىمى قىرىمبەك كوشەربايەۆ وڭىرىمىزدە ءتول سپورتىمىز - قازاق كۇرەسىنىڭ دامىپ كەلە جاتقاندىعىن جانە وعان جىل وتكەن سايىن قاتىسۋشىلاردىڭ سانى ارتىپ وتىرعانىن جەتكىزدى.
قازاقستان رەسپۋبليكاسىنىڭ قازاق كۇرەسى فەدەراتسياسىنىڭ باس حاتشىسى سارسەن قۇرانبەك جارىسقا قاتىسۋشىلاردى قۇتتىقتاپ، جىلى لەبىزىن ءبىلدىردى.
سونداي-اق، وبلىستا ءتول كۇرەسىمىز قازاق كۇرەسىنىڭ تاريحىندا ەسىمدەرى التىن ارىپتەرمەن جازىلعان ارداگەر بالۋاندارىمىز قالاپبەرگەن ءپىرىمجانوۆ، ابىلاي جالدىبايەۆ جانە ميحايل دميتريەۆتى وبلىستىق قازاق كۇرەسى فەدەراتسياسىنىڭ پرەزيدەنتى رزاقۇل نۇرتايەۆ ماراپاتتادى.
«التىن بەلبەۋ» جارىسى وتە تارتىستى ءوتتى. ويتكەنى، ءاربىر بالۋاننىڭ بەلدەسۋگە تىڭعىلىقتى دايىندىقپەن كەلگەنى كورىنىپ تۇردى. جارىستا كىشى جاسوسپىرىمدەر اراسىندا قىزىلوردا قالسىنىڭ سپورتشىلارى جاقسى قىرىننان تانىلا ءبىلدى. ال جاسوسپىرىمدەر اراسىندا قارماقشى، شيەلى، جاڭاقورعان اۋداندارى، جاستاردان قىزىلوردا قالاسىنىڭ جەتكىنشەكتەرى وزدەرىنىڭ مىقتىلىقتارىن بايقاتتى. ەرەسەكتەر اراسىندا قارماقشى اۋدانىنان كەلگەن بالۋاندار دا بىرنەشە جۇلدەگە قول جەتكىزدى.
تۇيە بالۋان سايىسىنا 22 سپورتشى قاتىستى. ولاردىڭ اراسىندا ارالدىق نۇرىم سالىمگەرەيەۆ «سىر بارىسى» اتاندى. وعان «التىن بەلبەۋ» بەلدىگى مەن 1 ميلليون 200 مىڭ تەڭگەنىڭ سەرتيفيكاتى تابىستالدى. «سىر ارلانى» تيتۋلىن يەلەنگەن جالاعاشتىق رۋسلان ءابدىرازاقوۆقا 700 مىڭ تەڭگەنىڭ سەرتيفيكاتى بەرىلسە، «سىر سۇڭقارى» - ايبەك سەرىكبايەۆقا 300 مىڭ تەڭگەنىڭ سەرتيفيكاتى تابىستالدى.
سونداي-اق، ءار جاس ەرەكشەلىكتەرى بويىنشا 1,2,3 ورىنداردى يەلەنگەن سپورتشىلار العىس حاتتارمەن ماراپاتتالىپ، ولارعا قارجىلاي سىيلىقتار بەرىلدى.
5- شىلدە كۇنى استانا قالاسىندا ق ر پرەزيدەنتى جۇلدەسى ءۇشىن وتەتىن «قازاقستان بارىسى» رەسپۋبليكالىق تۋرنيرىنە قىزىلوردا وبلىسىنان ن. سالىمگەرەيەۆ پەن ر. ءابدىرازاقوۆ وبلىس نامىسىن قورعايتىن بولادى.
جارىس قورىتىندىسى بويىنشا:
جارىس جەڭىمپازدارى:
2000-2001 -جىلدارى تۋىلعان كىشى جاسوسپىرىمدەر اراسىندا:
38 كەلى: ەسكەلدى قاھارمان ( قىزىلوردا قالاسى)
42 كەلى: نۇرشات ابىلتايەۆ ( قىزىلوردا قالاسى)
46 كەلى: ولجاس ورازالى ۇلى (جاڭاقورعان اۋدانى)
50 كەلى: مۇحامەدحان ساعىندىق (جاڭاقورعان اۋدانى)
55 كەلى: ابىلاي جۇبانازار (قازالى اۋدانى)
60 كەلى: ءومىرزاق راحمەتوۆ (شيەلى اۋدانى)
66 كەلى: داۋلەت حابيبۋللايەۆ (سىرداريا اۋدانى)
73 كەلى: ەڭبەك ساقتاعانوۆ (ارال اۋدانى)
+73 كەلى: نۇرلىحان شارحان ( قىزىلوردا قالاسى)
1998-99 -جىلدارى تۋعان جاسوسپىرىمدەر اراسىندا:
46 كەلى: باعداۋلەت يمانزادا ( قىزىلوردا قالاسى)
51 كەلى: ايداۋلەت دۇيسەاحمەت (شيەلى اۋدانى)
57 كەلى: ءالجان امانگەلدى (قارماقشى اۋدانى)
64 كەلى: جاسۇلان بەردىبەكوۆ (قارماقشى اۋدانى)
72 كەلى: اسىلجان نۇرمان (جاڭاقورعان اۋدانى)
81 كەلى: اسحات بالدانبايەۆ (شيەلى اۋدانى)
+81 كەلى: نۇربەرگەن الدابەرگەن (جاڭاقورعان اۋدانى)
1996-97 -جىلدارى تۋعان جاستار اراسىندا:
55 كەلى: بەكجان تولەپوۆ (شيەلى اۋدانى)
60 كەلى: رايىمبەك رانتايەۆ ( قىزىلوردا قالاسى)
66 كەلى: راحمانبەردى ءابدىراشيت ( قىزىلوردا قالاسى)
74 كەلى: ەرداۋلەت كيىكبايەۆ (قارماقشى اۋدانى)
82 كەلى: راسۋل مادەتاي (سىرداريا اۋدانى)
90 كەلى: يساتاي يكرام (جاڭاقورعان اۋدانى)
100 كەلى: ايازبەك شۇكىر ( قىزىلوردا قالاسى)
100+ كەلى: مارات قۋانىشبايەۆ ( قىزىلوردا قالاسى)
ەرەسەكتەر اراسىندا:
55 كەلى: باۋىرجان رايسوۆ (قارماقشى اۋدانى)
60 كەلى: اسحات ءپىرمانوۆ (ارال اۋدانى)
66 كەلى: مۇحتار سەيلوۆ (بايقوڭىر قالاسى)
74 كەلى: جايدارباي ەسەنوۆ (جالاعاش اۋدانى)
82 كەلى: سالامات جۇرقابايەۆ (سىرداريا اۋدانى)
90 كەلى: ماقسات يساقابىلوۆ ( قىزىلوردا قالاسى)
100 كەلى: ايبەك سەرىكبايەۆ (قارماقشى اۋدانى)
100+ كەلى: رۋسلان ءابدىرازاقوۆ (جالاعاش اۋدانى)
اۆتور: ەلۋباي اۋەزوۆ
