استانا مەن قاراعاندىنىڭ اۋە بازالارىندا پارادقا قاتىساتىن ۇشۋ قۇرامدارىنىڭ جاتتىعۋلارى باستالدى - فوتو
بۇل تۋرالى قورعانىس مينيسترلىگىنىڭ باسپا ءسوز قىزمەتىنەن حابارلادى.
قازىرگى كەزدە جاۋىنگەرلىك اسكەري ۇشاقتار مەن تىكۇشاقتاردىڭ ەكيپاجدارى جۇپتاسىپ 200-500 مەتر ارالىعىنداعى شاعىن بيىكتىكتە جانە بولىمدەر قۇرامىندا جاتتىعۋلارىن وتكىزۋدە. ءبىزدىڭ ۇشقىشتارىمىزدىڭ دەڭگەيى جوعارى، ءبىراق، اۆياتورلاردىڭ ايتۋىنشا، تاجىريبەلىك جاتتىعۋلار ەشقاشان ارتىق بولمايدى.
پاراد وتەتىن كۇنى استانا اسپانىنا بىرىككەن اۋە ساپىمەن قازاقستاندىق ءا ق ك قارۋىنىڭ ءبىر بولىگى بولىپ تابىلاتىن اۆياتسيالىق تەحنيكانىڭ 70 بىرلىگى ۇشادى. بۇلار مايداندىق، اسكەري- كولىكتىك جانە ارميالىق اۆياتسيانىڭ Су-25, Су-27, Су-30, МиГ-29, МиГ-31, МиГ-27, Ан-26, Ан-72, Ту-134, Ту-154, С-295 (Airbase Military ۇشاقتارى جانە Ми-8, Ми-17, Ми-171, Ми-26, К-32 и ЕС-145 (ەۋروكوپتەر) ۇشاقتارىنىڭ توبى.
ءتۇرلى ۇشقىشتار توپتارىنىڭ قۇرامىنداعى اسكەري ۇشقىشتار «قازاق ەلى» الاڭىنىڭ ۇستىمەن ۇشىپ، ق ر ق ك ءا ق ك اسكەري- اۋە كۇشتەرىنىڭ تاجىريبەلى ۇشقىش ەكيپاجدارى جوعارى پيلوتاجدىڭ اسەرلى فيگۋرالارىن ورىنداۋدى جوسپارلاپ وتىر. اۋە شوۋى اسكەري پارادتىڭ ەڭ اسەرلى ساتتەرىنىڭ ءبىرى بولماق.
