قىرعىز ەلىندە جەڭىس كۇنى وتەتىن شەرۋ اۋىستىرىلۋى مۇمكىن

استانا. قازاقپارات- قىرعىز رەسپۋبليكاسىنىڭ قارۋلى كۇشتەر باس شتابىنا سىلتەمە جاساعان، ت ا س س اگەنتىگىنىڭ حابارلاۋىنشا، «قىرعىز استاناسىندا جەڭىستىڭ 70 جىلدىعىنا ارنالعان سالتاناتتى شەرۋ، مامىردىڭ 9-ىنان 7-سىنە اۋىسۋى مۇمكىن».

  باس شتابتىڭ باسپا ءسوز قىزمەتى «ازىرگە بۇل تالقىلانىپ جاتىر،   رەسمي شەشىم شىعارىلعان جوق»، - دەگەن.  
 
 قارۋلى كۇشتەر باس قولباسشىسى، ەل پرەزيدەنتى المازبەك اتامبايەۆ، 9- مامىرعا رەسەي تاراپىنان ۇيىمداستىرىلىپ جاتقان، جەڭىس شەرۋىنە شاقىرۋ العانىن حابارلاعان.

«ال پرەمەر- مينيستر جوومارت وتوربايەۆ وتستاۆكاعا كەتۋگە ءوتىنىش جاساعان. سوندىقتان بىشكەكتە 9- مامىر كۇنى  شەرۋگە قاتىساتىن باستى تۇلعالار بولمايدى، - دەيدى باسپا ءسوز قىزمەتىندەگىلەر. الايدا «بۇل ماسەلە  ازىرگە شەشىلگەن جوق» دەپ وتىر.