13:16, 25 - ءساۋىر 2015 | GMT +5
ۋكراينانىڭ جوعارعى راداسى شەتەلدىكتەردى اسكەرگە قابىلداۋ تۋرالى زاڭ جوباسىن قاراستىرماق
استانا. قازاقپارات - ۋكراينانىڭ جوعارعى راداسى شەتەلدىكتەردى اسكەري قىزمەتكە تارتۋعا رۇقسات بەرەتىن زاڭ جوباسىن قاراستىرماق.
اتالعان قۇجاتتى كۇن تارتىبىنە ەنگىزۋگە 238 دەپۋتات داۋىس بەردى، - دەپ جازادى «ينتەرفاكس» اقپارات اگەنتىگى. ۇسىنىس اۆتورلارى، زاڭ قابىلدانعان جاعدايدا ۋكراينا اسكەرىنە مىڭداعان شەتەلدىك ازامات قوسىلاتىنىنا سەنەدى.
بۇل ماسەلە تالقىلانىپ جاتقاندا، ۋكراينانىڭ قارۋلى كۇشتەرى فرانسيادان شەتەلدىك تىكۇشاقتار مەن بايلانىس جۇيەسىن الۋدا. ۋكراينا پرەزيدەنتى پەتر پوروشەنكونىڭ فرانسياعا بارعان ساپارى كەزىندە «ۋكروبورونپروم» مەملەكەتتىك كونسەرنى فرانسۋزدىق كومپانيالارمەن اسكەري- تەحنيكالىق كەلىسىمگە وتىرعان. وعان سايكەس، فرانسۋزدىق كومپانيالار ۋكراينا قارۋلى كۇشتەرىنە تاكتيكالىق راديوبايلانىس جۇيەسى مەن موتورلى تىكۇشاقتاردى اكەلۋگە مىندەت العان.
«استانا» ارناسى
