قازاقستاندا تۇڭعىش رەت فيليپپين ەلىنىڭ تەلەحيكاياسى كورسەتىلمەك
قىزىققا تولى حيكاياداعى ماحاببات وقيعاسىنىڭ باستاۋ الاتىن تۇسى دا وسى. قاراپايىم فەرمەر قىزى، باقۋاتتى وتباسىنان شىققان جىگىت. ويدا جوقتا جولىعادى. 27 - ءساۋىر كۇنى ساعات 14.00 دە تۇساۋى كەسىلەتىن جوبانىڭ باستى ەرەكشەلىگى ونى قازاق ەستراداسىنىڭ تانىمال جۇلدىزدارى دىبىستاعان. ايتۋلارىنشا، كورەرمەن كوز الماي قارايتىن تۋىندى.
مەرۋەرت تۇسىپبايەۆا، ءانشى، اكتريسا:
«مەن ساعان عاشىقپىن» سەريالىنا، ەڭ العاش رەت دۋبلياجعا قاتىسىپ وتىرمىن. سەريال وزىمە وتە ۇنايدى. قىزىقتى. اپتاسىنا ءبىر رەت كەلەمىن، بەس سەريانى بىردەن جازامىز. سوسىن كەلەسى كەلگەنشە سول سەريالدى ويلاپ جۇرەمىن.
جاڭا جوبانى دىبىستاۋعا مەرۋەرت تۇسىپبايەۆادان وزگە ايقىن تولەپبەرگەن، ەرنار ايدار سىندى انشىلەر دە ات سالىستى. درامالىق تارتىس پەن قىزىقتى وقيعالارعا قۇرىلعان ماحاببات داستانى جاستار مەن جاسوسپىرىمدەرگە باعىتتالعان.
ال جۋىردا «سۇيگەن سۇلۋ» حيكاياسى ەكرانعا شىعادى. الەم جۇرتشىلىعىن تامساندىرعان، تارتىسقا تولى تەلەحيكايانى كينوتانۋشىلار ەڭ ۇزدىك تۋىندى دەپ تانىعان. ال 31 - ارنا دا ءوزىنىڭ سۇيىكتى كورەرمەندەرىنە ەڭ ۇزدىك، ەڭ قىزىقتى جوبالاردى ۇسىنا بەرەدى.
31 - ارنا
