ماتادان جاسالعان ماسكا اۋرۋدان قورعاي الا ما؟
عالىمدار كوپتەگەن ورتاق پىكىرلەرگە قاراماستان، ماتادان جاسالعان ماسكانىڭ دارىگەرلەر مەن مەدبيكەلەر اعزاسىنا قورعانىستان كورى، اۋرۋ، ينفەكتسيا تۋدىراتىنىن انىقتادى.
بۇل تۋرالى BMJ Open جۋرنالى حابارلايدى.
«ءبىز، ادەتتە، ماسكانى ەپيدەميا مەن ىندەتتەردىڭ تۇتانۋى كەزىندە جانىمىزدا ۆاكسينا نەمەسە ءدارى- دارمەك بولماعان كەزدە ينفەكسيادان قورعانۋ ءۇشىن كيەمىز. ءبىز، مەديسينا قىزمەتكەرلەرىنىڭ ماتادان جاسالعان قورعانىس ماسكاسىن كەز كەلگەن جاعدايدا، اسىرەسە، دەنساۋلىعى ءۇشىن جوعارى تاۋەكەل جاعدايلاردا، جانساقتاۋ، پەدياتريا نەمەسە تۋبەركۋلەز بولىمىندە پايدانلانباۋ كەرەكتىگىن كورسەتىپ وتىرمىز»، - دەپ مالىمدەدى سيدنەيدەگى جاڭا وڭتۇستىك ۋەلس ۋنيۆەرسيتەتىنىڭ عالىمى راينا ماكينتاير.
ماكينتاير مەن ونىڭ ارىپتەستەرى ۆەتنامدىق مەديسينا قىزمەتكەرلەرى اراسىندا كەڭ اۋقىمدى ەكسپەريمەنت جۇرگىزەدى. ەكسپەريمەنت بارىسىندا ولار حالىق اراسىندا كەڭ تارالعان ماتادان جاسالعان ماسكا مەن كاسىپقويلارعا ارنالعان ءبىر رەتتىك ماسكانىڭ اۋرۋدى تۋدىراتىن ميكروبتاردان ساقتاۋىن سالىستىردى.
ەكسپەريمەنتكە قاتىسۋشىلار 3 توپقا ءبولىندى. ونىڭ ەكەۋى ماكينتاير مەن ونىڭ ارىپتەستەرى جۇمىس كەزىندە ماسكانىڭ ءبىر عانا ءتۇرىن پايدالانادى. ال ءۇشىنشى توپ ۆەتنامنىڭ مەديتسينا مەكەمەلەرىندە قولدانۋعا بولاتىن جانە جۇمىس ەرەجەلەرىنە سايكەس كەلەتىن قورعانىس زاتتارىن قولدانعان. تاجىريبە ناتيجەسى كورسەتكەندەي، ماتادان جاسالعان ماسكا ادامدى اۋرۋ جۇقتىراتىن ميكروبتاردان قورعاۋعا قابىلەتسىز بولعان. ماسكانى ءماجبۇرلى تۇردە كيگەن مەدبيكەلەردىڭ 60 پايىزى، باقىلاۋ توبىنداعى ارىپتەستەرىنە قاراعاندا جۇمىس كەزىندە ميكروب جۇقتىرىپ، ءجيى اۋىرعان.
انىعىندا مۇنداي ماسكالاردىڭ 97 پايىزعا جۋىعى اۋرۋ نەمەسە ەمدەلۋشى اعزاسىنان ۇشىپ شىعاتىن سۇيىق تامشىلار مەن بولشەكتەردى جىبەرەدى. سالىستىرمالى تۇردە، قاعاز بەن پوليمەردەن جاسالعان ءبىر رەتتىك ماسكالار سۇيىق تامشىلاردىڭ 44 پايىزىن عانا وتكىزەتىنى انىقتالعان. ناتيجەسىندە بىرىككەن ۇلتتار ۇيىمىنىڭ دەنساۋلىق ساقتاۋ قىزمەتى مەدبيكەلەرگە ماتادان جاسالعان ماسكانى قولدانۋدى تولىقتاي تىيىم سالۋدى جانە ولارعا ءبىر رەتتىك قورعانىس جابدىقتارىنا اۋىسۋ كەرەكتىگىن ەسكەرتكەن.
«قازاقستان» تەلەارناسى
