قازاق ازاماتى كرەملدىڭ باس اسپازشىسى اتاندى

استانا. قازاقپارات - قانداسىمىز قازاق بولات زاكىريانوۆ رەسەي پرەزيدەنتى اكىمشىلىك قوعامدىق تاماقتانۋ باس باسقارماسىنىڭ جەتەكشىسى اتاندى، دەپ حابارلايدى دەرەككوز.

«ەتنيكالىق قازاق بولات زاكىريانوۆ رەسەي پرەزيدەنتى اكىمشىلىگىنىڭ قوعامدىق تاماقتانۋ باس باسقارماسىن باسقاردى. سوڭعى ۋاقىتتا ونىڭ كراسنودار ايماعى گەلەندجيك كۋرورت- قالاسى دۋماسىنىڭ ءتوراعاسى بولعانى بەلگىلى، ال ودان كەيىن -  رەسەي پرەزيدەنتى ىستەرى باسقارماسىنىڭ "رۋبلۆ- ۋسپەن ساۋىقتىرۋ كەشەنى" فەدەرالدى مەكەمەسىنىڭ باس ديرەكتورى قىزمەتىن اتقارعان»، -  دەدى اڭگىمەلەسۋشى تەلەفون ارقىلى.

سىرتقى ىستەر باسقارماسىنىڭ رەسمي سايتى حابارلاعانداي، وعان ماسكەۋ تۇبىندەگى ەڭ ۇزدىك پانسيوناتتار مەن ساياجايلار كەشەنى: 70  جىلدان استام تاريحقا يە، ءومىر ءسۇرۋ ءۇشىن جايلى جاعداي جاسالعان پەتروۆو- دالنەە، ارحانگەلسكوە، ۋسپەنسكوە، گوركي، بارۆيحا، جۋكوۆكا، نيكولينا گورا، ۋسوۆو، يلينسكوە جانە ماسلوۆو كىرەدى.

بولات زاكىريانوۆ پاۆلودار وبلىسى اكىمىنىڭ ورىنباسارى جانە پەتروپاۆل قالاسىنىڭ اكىمى بولعان تولەگەن زاكىريانوۆتىڭ ءىنىسى بولىپ كەلەدى.

 

دەرەككوز: كازتاگ