ا. اتامبايەۆ قىرعىز رەسپۋبليكاسىنىڭ پرەمەر- ءمينيسترى مەن ۇكىمەتىنىڭ وتستاۆكاسى تۋرالى جارلىققا قول قويدى

بىشكەك. قازاقپارات - بۇگىن قىرعىزستان رەسپۋبليكاسىنىڭ پرەزيدەنتى «قىرعىز رەسپۋبليكاسىنىڭ پرەمەر- ءمينيسترى مەن ۇكىمەتىنىڭ وتستاۆكاسى تۋرالى» جارلىققا قول قويدى.

 بۇل تۋرالى مەملەكەت باسشىسىنىڭ باسپا ءسوز قىزمەتىنەن حابارلادى.

جارلىققا سايكەس، قىرعىز رەسپۋبليكاسى كونستيتۋتسياسىنىڭ 65-بابى، 87-بابىنىڭ 1,2,3 بولىكتەرىنە جانە «قىرعىز رەسپۋبليكاسىنىڭ ۇكىمەتى تۋرالى» قىرعىز رەسپۋبليكاسى كونستيتۋتسيالىق زاڭىنىڭ 13-بابى 4- تارماعىنىڭ 1- بولىگى جانە 4- بولىگى، 23-بابى 1- تارماعىنىڭ 3- بولىگى جانە 4- بولىگىنە سايكەس قاۋلى ەتەدى:

قىرعىز رەسپۋبليكاسىنىڭ پرەمەر- ءمينيسترى وتوربايەۆ جوومارت قايىپ ۇلىنىڭ وتستاۆكاسى قابىلدانسىن.

قىرعىز رەسپۋبليكاسىنىڭ ۇكىمەتى وتستاۆكاعا كەتتى دەپ سانالسىن.

پرەمەر- مينيستر، ءبىرىنشى پرەمەر- مينيستر، ۆيتسە پرەمەر- مينيسترلەرى، ۇكىمەت مۇشەلەرى، سونداي- اق قىرعىز رەسپۋبليكاسى اكىمشىلىك ۆەدومستۆولارىنىڭ باسشىلارى لاۋازىمدارىن اتقارىپ وتىرعان تۇلعالار قىرعىز رەسپۋبليكاسى ۇكىمەتىنىڭ مۇشەلەرى مەن اكىمشىلىك ۆەدومستۆو باسشىلارى بۇرىن اتقارىپ وتىرعان مىندەتتەرىن ورىنداۋدى تيىسىنشە قىرعىز رەسپۋبليكاسى ۇكىمەتىنىڭ جاڭا قۇرامى قالىپتاستىرىلعانعا دەيىن جالعاستىرسىن.

جارلىق قول قويىلعان كەزدەن باستاپ كۇشىنە ەنەدى.