پوليتسيا وزبىرلىعىنا قارسى نارازىلىق شارالارى جانداندى

استانا. قازاقپارات - ءتارتىپ ساقشىسىنىڭ قولىنان قازا تاپتى دەپ مالىمدەنگەن 27 جاستاعى افروامەريكالىق فرەددي گرەيدىڭ اجالى بالتيمور قالاسى تۇرعىندارىنىڭ اشۋ-ىزاسىن تۋدىردى. جۇزدەگەن ەرەۋىلشى جىگىتتى وفيتسەرلەر قاماۋعا العان جەردەن باستاپ جەرگىلىكتى پوليتسيا بولىمشەسىنە دەيىن ءجۇرىپ ءوتتى.

ولار «ادىلەت جوق، بەيبىتشىلىك جوق»، «قاراناسىلدىلەردىڭ ءومىرى ماڭىزدى» دەپ ۇرانداتقان. وسىلايشا، شەرۋگە شىققان توپ قالا اكىمشىلىگىنىڭ الدىنا دەيىن بارىپ، ءادىل تەرگەۋ جۇرگىزۋدى تالاپ ەتتى.

ەستەرىڭىزگە سالا كەتەيىك، فرەددي گرەي 12 -ساۋىردە قاماۋعا الىنىپ، ءبىر اپتادان سوڭ قازا تاپتى. كەيىن پوليتسەيلەردىڭ ءبىرى دەنەسىنىڭ 80 پايىزى جارالانعان جىگىتتىڭ مويىن ومىرتقاسى ۇزىلگەنىن حابارلادى. گرەي اۋرۋحاناعا جەتكىزىلىپ، وپەراتسيادان كەيىن مۇلدە ەسىنەن تانىپ، ءبىراز ۋاقىت جاتىپ، كەيىن كوز جۇمدى.

رەندي ۆەللينگتون، ەرەۋىلشى:

- مۇندا ادىلەت ءۇشىن، پوليتسيا قولىنان ءزابىر كورگەن فرەددي گرەي مەن بارلىق ادام ءۇشىن كەلىپ تۇرمىن. سەبەپسىز تەرگەۋدەن ابدەن ىعىر بولدىق. مۇنى توقتاتۋ كەرەك دەپ ەسەپتەيمىز.

www.24.kz