ساپەن اڭساتوۆ. قاراڭعى دەپ كورگە دە كىرمەيسىڭ بە؟
سونداي اڭگىمەلەردىڭ ءبىرى قالداننىڭ قاراشا ۇيگە ءتۇسۋى.
كەتە، بەكمىرزا ءبيدىڭ اسىندا كۇتۋشىلەر وسىعان دەيىنگى اس- تويلاردا وزىنە لايىق سىي- سىياپاتىن كورىپ جۇرگەن قالدان باتىردى ەڭسەسى تومەن، جۇپىنى، قوڭىرتوبەل ۇيگە ءتۇسىرىپتى. العاشىندا توسىرقاپ قالعان باتىرعا كۇتۋشىلەر: «ءسىز تۇسەتىن ءۇي وسى» دەپتى. قالدەكەڭ بەلگىلەنگەن ءۇيدى قوراشسىنىپ، ۇيگە كىرمەي، اتىنا ءمىنىپ جۇرە بەرگەندە كەتە رۋىنىڭ ءبىر كىسىسى قالداننىڭ الدىن وراي توقتاتىپ: «قالدەكە، وزىڭە بەلگىلەنگەن ءۇيدى قوڭىر دەپ كىرمەدىڭ، ەرتەڭ قاراڭعى دەپ كورگە دە كىرمەيسىڭ بە؟ » دەگەندە قالدەكەڭ ءسال ويلانىپ تۇرىپتى دا، اتىنىڭ باسىن اس بولىپ جاتقان اۋىلعا بۇرىپتى. پەيىلىنىڭ پيعىلعا اينالىپ بارا جاتقانىن دەر كەزىندە ءتۇسىنۋ دە بەكزاتتىق قوي!
قازىر قالدان باتىردىڭ قارا شاڭىراعىنىڭ ءتۇتىنىن تۇتەتىپ قۇلانبايەۆ وراز ءىنىمىز وتىر. شۇكىر، اللاعا شۇكىر!
اۆتوردىڭ «بولمىس» اتتى كىتابىنان
ىقشامدالىپ الىندى.
kazaitys.kz
