08:43, 24 - ءساۋىر 2015 | GMT +5
قىتايدا دينوزاۆر جۇمىرتقالارى تابىلدى
استانا. قازاقپارات - قىتايدا تاسقا اينالعان 90 ميلليون جىل بۇرىنعى دينوزاۆر جۇمىرتقالارى تابىلدى.
وڭتۇستىك قىتايداعى حەيۋان قالاسىندا جول جوندەپ جۇرگەن جۇمىسشىلار 43 جۇمىرتقانى قازىپ العان. جالپى بۇعان دەيىن دە بۇل وڭىردەن بىرنەشە رەت ەجەلگى كەسىرتكەلەردىڭ جۇمىرتقاسى شىققان ەدى.
2004 -جىلى حەيۋانداعى مۋزەيدە ەڭ كوپ ەجەلگى جانۋارلاردىڭ جۇمىرتقاسى جينالعاندىقتان، بۇل قالا گيننەستىڭ رەكوردتار كىتابىنا ەنگەن. وسى جولعى تابىلعان 43 جۇمىرتقانىڭ 19 وتە جاقسى ساقتالعان. ۇلكەندىگى 12 س م بولادى. ماماندار ونىڭ قانداي دينوزاۆر تۇرىنە جاتاتىنىن زەرتتەپ كورمەكشى. جالپى گۋاڭدۋڭ پروۆينتسياسىنداعى حەيۋان قالاسىنىڭ ماڭىنان 1996 -جىلى ەڭ ءىرى كولەمدە 17 مىڭ دينوزاۆر جۇمىرتقاسى تابىلعان بولاتىن.
www.24.kz
