نارازى حالىق كوشەلەرگە تابىت الىپ شىقتى

استانا. قازاقپارات - بريۋسسەلدە ەۋروپا بيلىگىنىڭ ارەكەتسىزدىگىنە قارسى نارازىلىق شاراسى ءوتتى.

كوشى- قون داعدارىسىنا ارنالعان ەۋرووداقتىڭ شۇعىل سامميتى باستالۋعا بىرنەشە ساعات قالعاندا بىرنەشە جۇزدەگەن ادام قالا كوشەلەرىندە قارالى جيىن ۇيىمداستىردى.

ولار جەرورتا تەڭىزىنىڭ يتاليا جاعالاۋىندا قازا تاپقان ميگرانتتاردىڭ تاعدىرىن بەينەلەپ، تابىتتاردى كوتەرىپ ءجۇردى.

اكسياعا Amnesty International ۇيىمىنىڭ اتىنان قاتىسقان بەلسەندىلەر ەۋروپالىق كوشباسشىلاردىڭ ميگراتسيا ماسەلەلەرىن شەشۋ جانە افريكا مەن ازيا ەلدەرىنەن شىققان ميگرانتتاردى تەڭىزدە اجال قۇشتىرعان سۇمدىق وقيعالارعا قاتىستى ساياساتى ساتسىزدىككە ۇشىرادى دەپ ەسەپتەيدى.

ولاردىڭ پىكىرى بويىنشا، يتاليانىڭ وڭتۇستىگىندە ورنالاسقان لامپەدۋزا ارالىنداعى جاعداي تەز شەشىم قابىلداۋدى قاجەت ەتەدى.

ەۆابەرگمانس، Amnesty International وكىلى:

- ءبىز جەرورتادا تولىققاندى گۋمانيتارلىق وپەراتسيانىڭ جۇرگىزىلگەنىن قولدايمىز. قازىر ەشقانداي كىناسى جوق ادامداردىڭ ءومىرى ەۋرووداققا مۇشە ەلدەر باسشىلارىنىڭ ادام قۇقىقتارىن ساقتاۋ مەن قورعاۋ سالاسىنداعى بەدەلىنە بايلانىستى بولىپ تۇر. وڭدى شەشىم ءدال بۇگىن قابىلدانۋى ءتيىس.

www.24.kz