استانانىڭ اۋە كەڭىستىگى بۇگىن جارتى كۇن جابىق بولدى
استانا. قازاقپارات - بۇگىن 23 - ساۋىردە استانا ۋاقىتى بويىنشا ساعات 09.00-دەن 14.00-گە دەيىنگى ارالىقتا «استانا حالىقارالىق اۋەجايى» ا ق اۋە كەڭىستىگى جەڭىستىڭ 70 جىلدىعىنا ارنالعان پارادقا دايىندىقتى ەسكەرە وتىرىپ، جوسپارلى جاتتىعۋلار وتكىزىلۋىنە بايلانىستى جابىق بولادى.
بۇل تۋرالى استانا اۋەجايىنىڭ رەسمي پورتالىندا حابارلاندى.
سونداي- اق جوسپارلى جاتتىعۋلار 2015 - جىلعى 9 - مامىرعا دەيىن اۋىق- اۋىق وتكىزىلىپ تۇراتىنى اتاپ وتىلگەن. جاتتىعۋلار تۋرالى اقپارات استانا اۋەجايىنىڭ رەسمي سايتىندا ورنالاستىرىلاتىن بولادى.
سونىمەن قاتار اتالمىش پورتالداعى ەلەكتروندى تابلوداعى مالىمەتتەرگە سايكەس، ءۇش رەيس كەيىنگە شەگەرىلگەن - سەمەيدەن ۇشىپ كەلەتىن رەيس پەن اقتاۋ جانە تاراز قالالارىنا باعىت الاتىن ۇشاقتار رەيسىنىڭ ۇشۋى كەيىنگە قالدىرىلىپ وتىر.
