ءسىز جاقسى كورەتىن جۇلدىز كورشى ۇيگە كوشىپ كەلسە
كۇتپەگەن جەردەن جاس قىزدىڭ كورشى ۇيىنە اتاقتى EXO توبى كوشىپ كەلەدى. العاشىندا كورشى ۇيگە تەك جىگىتتەردىڭ كوشىپ كەلگەنىن بىلگەن قىز كەيىنىرەك ونىڭ ءوزى جانىنداي جاقسى كورەتىن EXO توبى ەكەنىن تۇسىنگەن كەزدە، ءوز كوزىنە ءوزى سەنبەيدى. سەنبەۋى زاڭدى دا.. . ءوزى كۇندە تەلەديداردان كورىپ، تامسانىپ جۇرگەن سۇيكىمدى جىگىتتەر كەنەتتەن اسپاننان تۇسكەندەي كوز الدىندا جۇرسە، بۇل ناعىز باقىت ەمەي، نەمەنە؟ !
وسىنداي قىزىقتى سيۋجەت ارقاۋ بولعان «مەنىڭ كورشىلەرىم - EXO ميني»- سەريالىنىڭ ءار ءبولىمى 15 مينۋتتان تۇرادى. باسىندا 3 بولىممەن شەكتەلمەك بولعان فيلمدى تۇسىرۋشىلەر كەلە- كەلە ءبولىم سانىن 16-عا دەيىن ۇزارتقانعا ۇقسايدى. باستى رولدەگى EXO توبىن EXO توبىنىڭ وزدەرى سومدايدى. ال كورشىنىڭ قىزىن ون سەگىز جاستاعى اكتريسا مۋن گان / Moon Ga Young ءساتتى الىپ شىققان.
باستى رولدەگى جىگىتتەر تۋرالى تولىق اقپارات بەرسەك، وڭتۇستىك كورەيالىق ايگىلى بويز- بەند EXO توبى بۇگىندە داۋرەنى ءجۇرىپ، دۇركىرەپ تۇرعان توپ بولىپ وتىر. جىگىتتەر توبى تەك وڭتۇستىك كورەيادا عانا ەمەس، بۇكىل ازيادا تانىمال. قازاقستاندا دا EXO توبىنىڭ جانكۇيەرلەرى جەتەرلىك. باسىندا ون ەكى قاتىسۋشىدان قۇرالعانىمەن، بۇگىندە توپتا ون ونەرپاز ونەر كورسەتەدى. ءار قاتىسۋشى جان- جاقتى، تالانتتى. «مەنىڭ كورشىلەرىم - EXO» ميني- سەريالى جىگىتتەردى جاقىنىراق تانۋعا مۇمكىندىك بەرەدى. بۇل - ايگىلى توپتىڭ جانكۇيەرلەرى ءۇشىن تاپتىرماس سىي بولىپ وتىر.
تەك توپتىڭ جانكۇيەرلەرىن عانا ەمەس، ءبارىمىزدى دە ايگىلى جۇلدىزداردىڭ كۇندەلىكتى ءومىرى قىزىقتىرادى. ولار قالاي تاماقتانادى، بوس ۋاقىتتارىن قالاي وتكىزەدى، ءبىر- بىرىمەن قانداي اڭگىمەلەر ايتادى؟ وسىنىڭ ءبارىن «مەنىڭ كورشىلەرىم - EXO» سەريالىنان كورۋگە بولادى.
ۆەب- درامانى SM Entertainment اگەنتتىگى LINE ۇيالى تەلەفون قوسىمشاسىنىڭ كومەگىمەن تۇسىرگەن. ميني- سەريال تەك كورەيادا عانا ەمەس، قىتاي، جاپونيا، تايلاند، تايۆان ەلدەرىندە دە كورسەتىلەدى. قىزىقتى سەريالدىڭ اعىلشىن، ورىس، ت. ب. تىلدەردە سۋبتيترلارى پايدا بولدى.
ال Massaget.kz پورتالى «مەنىڭ كورشىلەرىم - EXO» ميني- سەريالىن قازاقشا سۋبتيترمەن ۇسىنىپ وتىر! سەريالدىڭ سۋبتيترىن قازاق تىلىنە اۋدارعان - «LVOE» فانساب- توبى.
Massaget.kz
